Longeshi 3:16 - MUKANDA USANDU WA ZAMBI 1975

¹⁶ Namwene nawa kushi lia tangwa ha chisopelo ungulungulu uliko; kuma kwa ululi uhenge uliko.

Mukanda Wa Zambi 1970

¹⁶ Chikwo, hingunamono nawa hano hashi kuze chatamba kubwa ululi ni umwenemwene kwe kuli ungulungulu.

Longeshi 3:16 Iomraidhean Croise

Longeshi 4:1

Mba yinguhiluka yingumona yuma yeswe ya kupinjisa kakuyilinga kushi lia tangwa. Masoji ja waze anaapinjisa ni keshi ni akwa kwalembejeka. Akwa kupinjisa o kali ni tachi hamwe no, hindu kukushi akwa kulembejeka.

Longeshi 5:7

Chino cheswe chineza mumu ha kwokesa yilota, ni yuma yamokomoko, ni maliji anji. Ena vwila woma Zambi.

Longeshi 5:8

Nyi mumona kupinjisa yiswale, ni mu chifuchi chimwe kanalingi upupilo wa kuhonesa upatwilo ni ululi, kanda chikushima. Mumu umwe kwali helu akwa kunangama; kwali umwe helu lio.

Longeshi 8:9

Yuma yino yeswe hinamona; hinasa mbunge yami kunyingika yitanga yeswe akuyilinga kushi lia tangwa. Mwaka kuuli muze umwe mutu mapwa ni chiyulo helu lia mukwo kumupinjisa.

Izaya 59:14

Upatwilo wa kulita hiwahiluka kunyima, ululi kanamana kusuku; mumu umwenemwene hiwafwa ha lwaza, kululama kuchahashile kunjilamo.

Mika 2:2

Kakuvwila kuzo ya minda, mba mayitambula. Kakuvwila kuzo ya mazuwo, mba maachiza. Kakupinjisa mutu ni zuwo lienyi, ni mutu ni chihinga chenyi.

Mika 7:3

Moko jo kakukwata ku chuma chipi achilinge ni mbunge yeswe. Ni mulemu ni ngaji eswe kakwita chindo; ni mutu munene kakwamba usolo upi wa muchima wenyi. Chocho kakuyiseleka yeswe hamuwika.

Zefania 3:3

Akwa kuyula muchima lienyi kapwa ngwe ndumba a kuhiohia. Ngaji jenyi ngwe tungunga a ha chingoloshi waze kahichikile nichimwe ndo chimene.

Mateu 26:59

Asasendote akwa lutwe ni makulwana ni akwa kuyula eswe afupile yela a mahuza hali Yesu, hanga akamushihe.

Yilinga 23:3

Hohene Paulu wambile kuli iye ngwenyi, Zambi kumakakulamba, yena unapu ngwe yishimi ya kutomesa ni pemba; yena kumanyi, unatwama ukangusopese nikulita ni shimbi, mba nikutangula shimbi unambe angulambe, nyi?

Tiangu (Jake) 2:6

Alioze yenu hinunasaula chiswale. Pichi keshi kunumwesa lamba, nyi? Keshi kunukoka ku usopelo, nyi?