Longeshi 3:14 - MUKANDA USANDU WA ZAMBI 1975

¹⁴ Ngunanyingika cheswacho Zambi malinga muchipwa cha mutolo. Kechi kuhasa kuwezako chuma, chipwe kechi kuhasa kutepululako chuma. Zambi hanachilingi hanga atu akevwe woma kumeso jenyi.

Mukanda Wa Zambi 1970

¹⁴ Ngunanyingika ngwami, yeswe yize akulinga Zambi kuyakulinduluka ndoo ku miaka yeswe. Kuwahashile kuweza ko nichimwe, hanji kuchiza ko nichimwe. Muuhasa lume kulemesa Zambi mumu ha yikomokeso yenyi, uno we upale wenyi.

Longeshi 3:14 Iomraidhean Croise

2 Samuel 22:31

Ha kutwala kuli Zambi jila yenyi yingunu. Liji lia Yehova lia kweseka kulu, iye lukepwe wa waze aswama mul i iye.

Miaso (Masamu) 33:11

Alioze yiyulo ya Yehova yakola mbe ku miaka ya mutolo; manyonga a mbunge yenyi akola ndo ku yisemuko yeswe.

Miaso (Masamu) 64:9

Atu eswe mevwa woma; makambulula chitanga cha Zambi; makanyonga ni mana yuma yize alinga.

Miaso (Masamu) 76:10

Chamwenemwene ufwatulo wa atu muwiza kukuhalisa. Ufwatulo wasalaho mukalijichikawo.

Yishima 19:21

Kutaka chinji chili mu mbunge ya mutu; alioze yiyulo ya Yehova yenayo muyikakola.

Yishima 21:30

Mana a kulimika ni Yehova, hanji malinjekela, hanji yiyulo yakuhi.

Yishima 30:6

Kanda uweza ku maliji jenyi kuchina makukanjisa mba makumona uli mukwa mahuza.

Longeshi 12:13

Songo lia chikuma; cheswe twachivwa. Vwila woma Zambi, ni kufunga shimbi jenyi, mumu henaho hasulila milimo ya mutu.

Longeshi 5:6

Kanda utayiza kanwa lie kuvulumwisa mujimba we. Kanda wamba kumeso ja mungelo ngwe, Napiasukile. Ha chikuma chika Zambi matenuka ni maliji je nikwonwona milimo ya moko je.

Longeshi 5:7

Chino cheswe chineza mumu ha kwokesa yilota, ni yuma yamokomoko, ni maliji anji. Ena vwila woma Zambi.

Longeshi 7:18

Chipema ukwate chino, alioze kanda wecha chize, mumu mukwa kuvwila woma Zambi matusuka ku yuma yino yeswe.

Izaya 46:10

Nikulumbununa songo chize ku uputukilo. Chize ku shakulu nakulumbununa yuma kanda ayilinga, nikwamba ngwami, Upale wami muukakola, kumungukalinga chize nafunjikile.

Daniel 8:8

Mba kuji ya pembe yalitohesa kuhiana, alioze muze hapwa ni tachi, mbinga yenyi yinene yiyimakuka, mba yikusoka mbinga jiwana ja lufuma kusalakana ja kutalikisa ku fuji jiwana ja malilu.

Yilinga 2:23

iye, se amukunjikile kushi nikulita ni upale ni chinyingi cha Zambi, yenu nikumukwata ni moko ja yingulungulu, hinunamuhachila ha kulusu, hinunamushihi;

Yilinga 4:28

mukulinga cheswacho kwoko lie ni mana je afunjikile Shimbu-kanda.

Yilinga 5:39

alioze kachi chinakatuka kuli Zambi, kunuchi kahasa kuchonwona; kuchina hanji manuwana nunalitachika ni Zambi.

A-ROMA 11:36

Mumu yuma yeswe kuyakatuka kuli iye, kuyakola ku tachi jenyi, yakuswila muli iye. Uhenya ukapwe kuli iye ndo ku miaka ya mutolo. Amene.

Efesu 3:11

Nikulita ni kupala chize cha ku miaka ya mutolo, chize apalile kulinga muli Kristu Yesu Mwene wetu;

Shimbi 32:4

Iye Liwe. Yitanga yenyi yingunu, mumu majila jenyi eswe ja ululi. Iye Zambi ya jika; keshi uhenge; mukwa pundu, mukwa umwenemwene.

Titu 1:2

mukutalatala mwono wa mutolo, uze Zambi, yoze keshi mahuza, walakenyene ku miakulwila;

Tiangu (Jake) 1:17

Kuhana cheswe chipema ni yawana yeswe yingunu kuyakuhulumuka kwilu, kuli mwe Tato ya pangu, muli iye kumushi kwalumuka, chipwe Chizulie cha kutewuluka.

Usolwelo 15:4

Mwene, iya kechi kakuvwila woma, iya kechi kuchichimieka jina lie? Mumu yena wika uli musandu; mumu mavungu eswe kumakawayila kumeso je; mumu yilinga ye ya ululi hanayisolola.