Longeshi 3:12 - MUKANDA USANDU WA ZAMBI 1975

¹² Hali ayo chuma chikwo chahiana kupema chakuhi shina kuwahilila ni kulinga yipema miaka yeswe ya mwono wo.

Mukanda Wa Zambi 1970

¹² Kashika yingusa chinyingi ngwami, chatutamba kuwahilila ni kulinga yibema matangwa eswe a mwono wetu.

Longeshi 3:12 Iomraidhean Croise

Miaso (Masamu) 37:3

Fuliela Yehova, ulinge yipema. Chocho mukatwama mu chifuchi; chamwenemwene makakulisa.

Longeshi 11:9

Wahilila mukweze mu ukweze we, mbunge ye yikuwahise ha matangwa a ukweze we; enda mu majila ja mbunge ye, ni mu kutala cha meso je. Alioze nyingika, ha yuma yino yeswe Zambi makusopesa.

Longeshi 2:24

Nyi mutu malia, manwa, mawahisa mbunge yenyi ni upeme wa milimo yenyi, nichimwe chikwo cha kuwaha chakuhi. Chino nawa nachimwene cha ku kwoko lia Zambi.

Longeshi 2:3

Nafupile mu mbunge yami chize munguhasa kuliwahisa ku musunya ni vinyu; mbunge yami te yinangusongwela ni mana, chize mungukwata ku uhepuke, ndo mungusa chinyingi chize chinapemena ana ja atu, hanga akachilinge kushi lia malilu matangwa eswe a mwono wo.

Longeshi 3:22

Kashika kamwene ngwami, Nichimwe chuma chahiana kupema hali mutu shina akawahe ni yitanga yenyi mumu che chihanda chenyi chenacho. Iya mamuhilwisa nawa akamone chize muchipwa muze te haya?

Longeshi 8:15

Henaho nalemesene uwahililo, mumu mutu keshi ni chuma chikwo chipema kushi lia tangwa shina kulia, ni kunwa, ni kuwahilila, mumu chino mahasa kutwama nacho mu kukilikita chenyi matangwa eswe a mwono wenyi aze Zambi mamwaha kushi lia tangwa.

Izaya 64:5

Ena wakutakana ni yoze malinga ululi nikuwahilila, ni waze akwiwuluka ndako je. Ena watenukine, ni yetu twavulumwine; twatwamine shimbu linene mu milonga yetu, mba makatulamwina?

Luka 11:41

Alioze Shinaho hanenu yawana ya ku yize yili muchima; nyi chocho, yuma yeswe muyipwa yipema kuli yenu.

Yilinga 20:35

Mu yuma yeswe nanuhele cheseko, ngwe nikukilikita chocho, Chanutamba kukwasa akwa ulelu, nikwiwuluka maliji a Mwene Yesu, iye mwene wambile ngwenyi, Chinawaha kutambula alioze Shinaho kuhana.

Shimbi 12:18

Alioze nukayilile kumeso ja Yehova Zambi yenu kuze makatongola Yehova Zambi yenu; ni yenu, ni ana jenu a malunga, ni ana jenu a mapwo, ni ngamba jenu a malunga, ni ngamba jenu a mapwo, ni A-Levi ali mu yihunda yenu, nukawahilile kumeso ja Yehova Zambi yenu ni yeswe munulinga ni moko jenu.

Shimbi 12:7

Munukalilako kulia kumeso ja Yehova Zambi yenu, nukawahilile ni yeswe munukalinga ni moko jenu; ni yenu, ni akwa mazuwo jenu, ni yuma yeswe hananuwahishilamo Yehova Zambi yenu.

Shimbi 26:11

Nukawahilile ni yeswe yipema Yehova Zambi yenu hananweheyo, ni akwa mazuwo jenu, ni yenu, ni Ka-Levi, ni njize yoze uli mukachi kenu.

Shimbi 28:63

Chizechene ngwe Yehova wawahililile hali yenu mukunulinga yipema, mukunwokesa, chocho Yehova makawahilila hali yenu mukunukuwisa, mukunwonwona, makanuchangumuna ku chifuchi nunayi kuzuka.

1 Timoteu 6:18

Akalinge yipema, akapwe ni yitanga yipema ya kulumbama, akapwe akwa kunyengumuna, akwa kulianyina,