Longeshi 3:11 - MUKANDA USANDU WA ZAMBI 1975

¹¹ Aye hanalingi chuma cheswe chipema ha tangwa liacho; chikwo nawa hanase ye miaka yeswe mu mbunge jo chocho mutu kahashile kusa chinyingi milimo yize Zambi hanalingi chize ku uputukilo ndo ku songo.

Mukanda Wa Zambi 1970

¹¹ Hanatongola Chuma ni chuma ni tangwa liacho. Hanatwehe zango lia kunyingika yuma yize muyiza kulutwe, alioze keshi kututayiza tunyingike pundu yuma yize akulinga.

Longeshi 3:11 Iomraidhean Croise

Ubutukilo 1:31

Mba Zambi yamona yuma yeswe yize halinga ngwenyi, Chinapeme chikolo. Yikupwa chingoloshi, yikupwa chimene, tangwa liamuchisambano.

Jobe 11:7

Muhasa kupolongoza yuma yisuku ya Zambi? Muhasa kuheta kuze kwasulila Mukwa-Ndundo-Jeswe?

Jobe 37:23

Mukwa-Ndundo-Jeswe kutwahashile kumuwana kapwa munene mu tachi ni ululi; ululi wenyi walumbama, kechi kuuhengesa.

Jobe 5:9

Aye kakulinga yuma yinene ya yijimbikilo; yikomokeso yenyi kechi kuhasa kuyalula.

Miaso (Masamu) 104:24

Yehova, yitanga ye yoka Chichize! Yeswe wayilingile ni mana. Hashi hazala tò ni upite we.

Yishima 16:4

Yuma yeswe Yehova hayitengela milimo yayo; ewa chipwe yingulungulu haasela tangwa lia yipi.

Longeshi 1:13

mba nasele mbunge yami kufupa ni kupolongoza ni mana yuma yeswe akulinga mushi lia malilu. Chize Zambi hakunjika kuli ana ja atu kuhondangana nacho, kumanyi chuma cha chinyengo wika.

Longeshi 11:5

Kwanyingikine jila ya ye fuji, chipwe mwana chize akutatuka mu jimo lia kafumba, chocho kwanyingikine milimo ya Zambi mukwa kulinga yuma yeswe.

Longeshi 7:13

Zewula kanawa yitanga ya Zambi. Iya mahasa kululamisa chuma nyi iye hanachihengesa?

Longeshi 7:23

Chino cheswe hinasa chinyingi ni mana. Nambile ngwami, Mungulinga ni mana alioze chapwile kusuku ni yami.

Longeshi 7:29

Chino wika nawana, Zambi walingile mutu mukwa ululi alioze hataka yuma yinji.

Longeshi 8:17

henaho namwene kulinga cheswe cha Zambi chize mutu kechi kuhasa kusa chinyingi milimo yize akulinga kushi lia tangwa. Chipwe mutu mahondangana nikufupa, hindu kechi kuchisa chinyingi. Chipwe mukwa mana mamba ngwenyi, Ami ngunanyingika, hindu kechi kuchisa chinyingi.

Mateu 11:27

Kanangukunjika yuma yeswe kuli Tata, mba niumwe manyingika mwe Mwana, shina Tata, chipwe niumwe manyingika Tata, shina mwe Mwana, ka, ni kuli mweswawo mwe Mwana mapala kumusolola.

Mateu 13:22

Ni yize mavikuwa hakachi ka mingonga, iye yoze mevwa liji, ni yipikalo ya mwono uno, ni kwonga cha upite muyikeketesa liji, mba muliseka.

Marku 7:37

Mba alishimwokene kuhiana chikolo, ngwo, Hanalingi kanawa yuma yeswe, kakuvwisa chipwe afwa-matwi, kakuhanjikisa tumama.

A-ROMA 1:28

Mba chizechene ngwe katayile kupwa ni Zambi mu kunyonga cho, Zambi waakunjikile ku manyonga a kulumbuka, mukulinga yuma yize kuyatele:

A-ROMA 11:33

E mana ni yinyingi ya Zambi, chocho yajotoka nikulumbama ngwe upite! Upatwilo wenyi keshi kuhasa kuunyonga weswe! Majila jenyi keshi kuhasa kwafunjika eswe!

Shimbi 32:4

Iye Liwe. Yitanga yenyi yingunu, mumu majila jenyi eswe ja ululi. Iye Zambi ya jika; keshi uhenge; mukwa pundu, mukwa umwenemwene.