Longeshi 2:7 - MUKANDA USANDU WA ZAMBI 1975

⁷ nalanjile tupinji twa malunga ni twa mapwo; napwile ni ngamba a kusema mu zuwo liami. Napwile ni upite wunji wa ngombe, ni mapanga ni pembe kuhiana waze eswe angutetekelele mu Yerusaleme.

Mukanda Wa Zambi 1970

⁷ Nalanjile ndungo; anji nawa asemukinyine mu zuwo liami. Yingubwa ni yimuna yinji yinene ni yikepe, kuhiana eswe waze anguliangilile mu Yerusaleme.

Longeshi 2:7 Iomraidhean Croise

Ubutukilo 13:2

Apalama yapita yimuna, ni prata, ni oru yinji.

Ubutukilo 14:14

Muze Apalama yevwa ngwo, Usoko we hamukwata funge, yatwala atu jenyi a kufumba, waze asemukine mu zuwo lienyi, makulakaji atatu ni kumi ni nake, yaahanga ndo ku Ndane.

Ubutukilo 15:3

Apalama yamba ngwenyi, Kuli yami kwanguhele munyachi mba umwe mwana wa ha chihunda mapwa swana yami.

1 Yitanga Ya Mianangana 4:23

ni kumi lia ngombe a maji, ni makumi aali a ngombe a ku kelo; ni kulakaji lia mapanga, nikuwezaho nawa tupaji, ni kai, ni songe, ni tusumbi a maji.

1 MIANANGANA 3:4

Mesha mwanangana wa Moape aye te mukwa mapanga. Walambwile kuli mwanangana wa Izalele wona wa kulakaji lia tununu twa ana-mapanga, ni wa kulakaji lia tununu twa kuji a mapanga.

2 Sango Ja Mianangana 26:10

Yatunga tuposhi mu puya nawa, ni kufula tuyitende tunji twa meya mumu wapwile ni yimuna anji, mu yana ni mu yikulo. Wapwile nawa ni njimi ni akwa kululika miuva mu milundu ni mu minda ya mbuto, mumu wazangile chikolo kulima.

Ezra 2:55

Ana a ngamba ja Solomone wano: ana a Sotai, ni ana a Soferete, ni ana a Peruda,

Ezra 2:58

A-Netinime eswe ni ana a ngamba ja Solomone, kulakaji atatu ni makumi livwa ni aali.

Nehemia 7:57

Ana a ngamba ja Solomone wano: ana a Sotai, ni ana a Soferete, ni ana a Perida,

Jobe 1:3

Upite wenyi tununu shimbiali a mapanga, tununu atatu a tumelu, kulakaji atano a makanga a ngombe, kulakaji atano a yimbulu a yihwo, ni atu a ha zuwo lienyi anji chikolo. Kashika yono lunga wapwile munene kuhiana eswe a ku yifuchi ya Chivumbuko.

Jobe 42:12

Yehova aye yawahisa matangwa a Jo a kusula kuhiana uputukilo. Wapwile ni kumi lia tununu ni tununu awana a mapanga, ni tununu asambano a tumelu, ni kanunu ka makanga a ngombe, ni kanunu ka yihwo ja yimbulu.

Luka 12:45

Alioze kachi ndungo yoze mamba mu mbunge yenyi ngwenyi, Mwene wami kanashimbula; maputuka kulamba akweze ni ana-mapwo akwa milimo, nikulialia, nikunwanwa, nikuzengewa.