Longeshi 2:23 - MUKANDA USANDU WA ZAMBI 1975

²³ Matangwa jenyi eswe kapwa chinyengo wika; ni kuhondangana chenyi chapwa kulifwita. Chipwe ha ufuku mbunge yenyi kuyahwimine. Chino nawa chapwa chamokomoko.

Mukanda Wa Zambi 1970

²³ Ha matangwa eswe a mwono we, ku yuma yeswe yize muulinga, kuuchi kwanda ho nichimwe alioze yili yinyengo ni kusasaminya cha mu mbunge. Chibwe ha ufuku manyonga je keechi kuhasa kama kuhwima. Yeswe yili yamokomoko.

Longeshi 2:23 Iomraidhean Croise

Ubutukilo 3:17

Kuli Alama yamba ngwenyi, Mumu yena hiwatayiza liji lia mukwenupwo hiwalia ku mutondo uze nakukanjishile ngwami, Kanda uliako, mavu kanashingiwa ha mukunda wa yena. Mukaliako ni kuhondangana wika matangwa eswe a mwono we.

Ubutukilo 47:9

Yakomba yamba ngwenyi, Matangwa a miaka ya unjize wami kulakaji lia miaka ni makumi atatu a miaka. Miaka ya mwono wami yapwa yikepe, yipi tuhu. Kuyahetele ku miaka ya mwono wa atata mu matangwa a unjize wo.

Estere 6:1

Ha ufuku uze mwanangana wapwile ni chipundu. Yatuma amunehene mukanda wa kusoneka Sango mba yajitanga kuli mwanangana.

Jobe 14:1

Mutu wa kusema kuli pwo kapwa wa matangwa akepe, a tò ni lamba.

Jobe 5:7

alioze ku chisemewa cha mutu chizechene ngwe maleka a kahia kakuhehukila kwilu.

Miaso (Masamu) 127:2

Chamokomoko kuli yena kulaula chimenemene, nikuhwima hakachi ka ufuku, nikutambula kulia cha kukilikita, mumu chocho kakuhana tulo kuli yoze wamuzanga.

Miaso (Masamu) 32:4

Mwalwa ni ufuku kwoko lie Kangulemene; tachi jami jomine ngwe changa cha lushiho.(Litulike.)

Miaso (Masamu) 90:15

Utwehe kuwaha nikulita ni matangwa aze watulambile, nikulita ni miaka yize twamwene yipi.

Longeshi 1:13

mba nasele mbunge yami kufupa ni kupolongoza ni mana yuma yeswe akulinga mushi lia malilu. Chize Zambi hakunjika kuli ana ja atu kuhondangana nacho, kumanyi chuma cha chinyengo wika.

Longeshi 1:18

Mumu mana anji kakufwichisa mutu; ni yoze mokesa yinyingi mokesa yinyengo.

Longeshi 2:11

Mba natalile ha milimo yami yeswe yize moko jami halinga, ni ha kuhondangana chami cheswe, kumanyi cheswe chapwile chamokomoko ngwe kuhanga ye fuji. Nichimwe chuma cha kufumbuka kuchishiko kushi lia tangwa.

Longeshi 5:12

Tulo twa mukwa kuhondangana kuwaho chipwe malia yikepe hanji yinji, alioze pichi kahashile kuya tulo mumu ha kukuta.

Longeshi 5:17

Matangwa jenyi eswe kanali mu milima nawa ni kulifwita ni kuyiza ni ufwatulo.

Longeshi 8:16

Muze nasele mbunge yami kunyingika mana, ni kumona yitanga yize analingi hashi (chize atu keshi kumona tulo chipwe ha mwalwa chipwe ha ufuku;)

Daniel 6:18

Mba mwanangana yaya ku zuwo lienyi, yapalikisa ufuku weswe ni kulitwamina kulia; kamunehenene yisaji ya miaso; tulo kaamwene.

Yilinga 14:22

Nikutakamisa tumbaji, nikwashinjila kunyongonona mu Ufulielo, ngwo, Ku luyinda munji chatutamba kunjila mu wanangana wa Zambi.