Longeshi 2:22 - MUKANDA USANDU WA ZAMBI 1975

²² Mutu chika mafumbuka ku kuhondangana chenyi cheswe, ni kulifwita cha mbunge yenyi chize ahondanganyine nacho kushi lia tangwa?

Mukanda Wa Zambi 1970

²² Muuhondangana ni kulibikala, alioze mba chika muwanda ho?

Longeshi 2:22 Iomraidhean Croise

Miaso (Masamu) 127:2

Chamokomoko kuli yena kulaula chimenemene, nikuhwima hakachi ka ufuku, nikutambula kulia cha kukilikita, mumu chocho kakuhana tulo kuli yoze wamuzanga.

Yishima 16:26

Zala ya mukwa kuhondangana kuyakumulingisa; kanwa lienyi kuliakumwitacho.

Longeshi 1:3

Mutu yika akufumbula ku milimo yeswe yize akuhondangana nayo mushi lia tangwa?

Longeshi 2:11

Mba natalile ha milimo yami yeswe yize moko jami halinga, ni ha kuhondangana chami cheswe, kumanyi cheswe chapwile chamokomoko ngwe kuhanga ye fuji. Nichimwe chuma cha kufumbuka kuchishiko kushi lia tangwa.

Longeshi 3:9

Mukwa kuhondangana kufumbuka chika ali nacho ku kuhondangana chenyi?

Longeshi 4:6

Kwoko limuwika lia kuhwima hapwa, moko aali a kuhondangana ni kuhanga ye fuji, kunyima.

Longeshi 4:8

Kwali umwe wa ukawenyi keshi ni mukwo. Keshi mwana, keshi yayo hindu kuhondangana chenyi cheswe kuchishi kuhwa, ni meso jenyi keshi kuyuka ni upite. Ngwenyi, Iya ngunahondanganyina nikuhonesa mbunge yami yuma yipema? Chino nawa chamokomoko; kukilikita cha yikatalo.

Longeshi 5:17

Matangwa jenyi eswe kanali mu milima nawa ni kulifwita ni kuyiza ni ufwatulo.

Longeshi 8:15

Henaho nalemesene uwahililo, mumu mutu keshi ni chuma chikwo chipema kushi lia tangwa shina kulia, ni kunwa, ni kuwahilila, mumu chino mahasa kutwama nacho mu kukilikita chenyi matangwa eswe a mwono wenyi aze Zambi mamwaha kushi lia tangwa.

Mateu 16:26

Mumu kuchi mutu mafumbuka kachi malipichisa hashi heswe, alioze matokesa mwono wenyi? Hanji kuchi mutu mahana cha kusumbakenya mwono wenyi?

Mateu 6:11

Twehe kama musono mbolo yetu yize twakufupafupa.

Mateu 6:25

Kashika ngunambe kuli yenu ngwami, Kanda nulipikala ha mwono wenu, chize munulia, ni chize mununwa, chipwe ha mujimba wenu, chize munuzala. Mwono kuwahianyine kulia, nyi? Mujimba kuwahianyine mazalo, nyi?

Mateu 6:34

Kanda nulipikala kashika ha tangwa lia hamene: mumu tangwa lia hamene ni yipikalo yalio. Yipi ya tangwa lieswe muyilita ni lie tangwa.

Luka 12:22

Iye wambile kuli tumbaji twenyi ngwenyi, Kashika ngwami, Kanda nulipikala ha mwono wenu, chize munulia; chipwe ha mujimba, chize munuzala.

Luka 12:29

Kanda nufupa chize munulia, hanji chize mununwa, chipwe kanda nulipikala.

1 Korintu 16:16

hanga yenu nawa nukazeyele kuli atu ngwe wano, ni kuli eswe akukwasa mu milimo, akukilikita.

Filipu 4:6

Kanda nukalipikala ha nichimwe; alioze ha yuma yeswe ku kulemba ni kuliumba hamwe ni kusakwila, kwita chenu akachinyingike kuli Zambi.

1 Timoteu 6:8

Alioze nyi tuli ni ya kulia ni ya kuzala, chatutamba kuyuka nayo.

1 Petulu 5:7

Mbilenu yipikalo yenu yeswe hali iye, mumu kakunufunga.