Longeshi 2:18 - MUKANDA USANDU WA ZAMBI 1975

¹⁸ Mba milimo yeswe nahondanganyine kushi lia tangwa yangupihilile se munguyihichika kuli mutu yoze mangukaula.

Mukanda Wa Zambi 1970

¹⁸ Ku yeswe yize nahondanganyine chafumbwile ko nichimwe, mumu ngunanyingika ngwami, mungukayihichika kuli yoze makangusalakana.

Longeshi 2:18 Iomraidhean Croise

Miaso (Masamu) 17:14

Ngulamwine kuli atu, yena Yehova, ni kwoko lie kuli atu a hano hashi, waze ali ni chihanda cho mu mwono uno. Wakukuchisa majimo jo ni yuma ye yipema ya kusweka. Hanayuku ni ana, kakuhichika upite wo kuli ana jo.

Miaso (Masamu) 39:6

Chamwenemwene atu eswe kakwenda mu kulinga chamokomoko; pundu kakupinda chamokomoko. Kakulumbika upite alioze kanyingikine yoze maukongolola.

Miaso (Masamu) 49:10

Mumu kakumona ngwe akwa mana kakufwa; ni chihepuke ni yoze keshi mana kakunonga hamuwika nikuhichika upite wo kuli akwo.

Longeshi 1:13

mba nasele mbunge yami kufupa ni kupolongoza ni mana yuma yeswe akulinga mushi lia malilu. Chize Zambi hakunjika kuli ana ja atu kuhondangana nacho, kumanyi chuma cha chinyengo wika.

Longeshi 1:3

Mutu yika akufumbula ku milimo yeswe yize akuhondangana nayo mushi lia tangwa?

Longeshi 2:11

Mba natalile ha milimo yami yeswe yize moko jami halinga, ni ha kuhondangana chami cheswe, kumanyi cheswe chapwile chamokomoko ngwe kuhanga ye fuji. Nichimwe chuma cha kufumbuka kuchishiko kushi lia tangwa.

Longeshi 2:21

Mumu kwali umwe mahondangana ni mana, ni yinyingi, ni utotombo hindu mahichika yuma yenyi yikapwe chihinga cha umwe yoze kahondanganyineko. Chino nawa chamokomoko ni chipi chikolo.

Longeshi 2:26

Mumu kuli yoze wamuwahila Zambi mahana mana, ni yinyingi, ni uwahililo; alioze kuli chivulumunyi mahana milimo, akahondangane akalumbike yuma ya kuhana kuli yoze wapemena Zambi. Chino nawa chapwa chamokomoko ngwe kuhanga ye fuji.

Longeshi 3:22

Kashika kamwene ngwami, Nichimwe chuma chahiana kupema hali mutu shina akawahe ni yitanga yenyi mumu che chihanda chenyi chenacho. Iya mamuhilwisa nawa akamone chize muchipwa muze te haya?

Longeshi 4:3

Ewa nalemesene yoze kanda apwa kuhiana wano eswe ni aali mumu kanda achimona yitanga yipi yize akulinga kushi lia tangwa.

Longeshi 5:18

Chize namona kupema ni kuwaha ngwami, Mutu akalie, akanwe, akawahe ni yipema ya kuhondangana chenyi cheswe chize anahondangana nacho kushi lia tangwa matangwa eswe a mwono uze Zambi hamwaha. Chihanda chenyi chenacho.

Longeshi 9:9

Wahilila ni mukwenu-pwo wa zango matangwa eswe a mwono we wamokomoko, hanakwehe kushi lia tangwa mumu chihanda che chenacho mu mwono, ni mu milimo ye yize unahondangana nayo kushi lia tangwa.

Luka 12:20

Alioze Zambi ngwenyi, Chihepuke, ufuku uno kumatambula mwono we kuli yena; ni yuma yize hiunalulika, yaya muyipwa?

1 Korintu 3:10

Nikulita ni vumbi lia Zambi lize anguhele, ngwe chilangaji wa lutwe wa mana, yami nasele fundamentu, mukwo matungaho. Alioze mutu ni mutu akakanyame ngwe chize matungaho.