Longeshi 2:17 - MUKANDA USANDU WA ZAMBI 1975

¹⁷ Chocho mwono wangupihilile mumu milimo yeswe akulinga kushi lia tangwa kuli yami yapwa ya kulifwita nayo wika, se yeswe yapwa yamokomoko ngwe kuhanga ye fuji.

Mukanda Wa Zambi 1970

¹⁷ Kashika kuli yami mwono kuushi nichimwe, mumu yuma yeswe kuli yami yili lamba. Yeswe yili yamokomoko; yili ngwe kuhanga fuji.

Longeshi 2:17 Iomraidhean Croise

Longeshi 2:11

Mba natalile ha milimo yami yeswe yize moko jami halinga, ni ha kuhondangana chami cheswe, kumanyi cheswe chapwile chamokomoko ngwe kuhanga ye fuji. Nichimwe chuma cha kufumbuka kuchishiko kushi lia tangwa.

Yona 4:8

Mba muze tangwa hiliavumbuka, Zambi yalulika fuji ya chivukuminya ya ku Chivumbuko, ni mwalwa yiutwa ha mutwe wa Yona. Yalezumuka, yeta kuli Zambi akafwe mumu yamba ngwenyi, Kuli yami Shinaho kutwa hi mwono ko.

Longeshi 4:2

Kashika nalemesene afu waze hanafu kulu, chalemesene waze achili ni mwono.

Habakuke 1:3

Kuchi te wakungumwesa chipi? Kuchi te meso jami akutala ku lamba wika? Kwonwona ni upupilo yili kumeso jami; kulitachika ni kuhamika yinasoloka.

Yona 4:3

Kashika Yehova, ngunalembe, ungushihe, mumu kufwa Shinaho kuli yami hi mwono ko.

Ezekiel 3:14

Spiritu yanguzundula, yangumbata; yinguya ni kusasa ni kusasaminya cha spiritu yami mumu kwoko lia Yehova te lili hali yami ni tachi.

Longeshi 6:9

Kuzangazanga naye kuchayukishile; Shinaho kumona ni meso. Chino nawa chapwa chamokomoko ngwe kuhanga ye fuji.

Longeshi 3:16

Namwene nawa kushi lia tangwa ha chisopelo ungulungulu uliko; kuma kwa ululi uhenge uliko.

Longeshi 2:22

Mutu chika mafumbuka ku kuhondangana chenyi cheswe, ni kulifwita cha mbunge yenyi chize ahondanganyine nacho kushi lia tangwa?

Longeshi 1:14

Hinamona milimo yeswe akuyilinga mushi lia tangwa; yeswe yamokomoko ya kuhanga ye fuji.

Miaso (Masamu) 89:47

Iwuluka kama kuhiha cha mwono wami. Watangile ana eswe a atu amokomoko chize!

Jobe 14:13

Ngunazange kuchi ukanguswekele mu Shiole; ukanguhengeke ndo ufwatulo we hiwapalika; ukangusele tangwa liami nikungwiwuluka.

1 Yitanga Ya Mianangana 19:4

Alioze wayile wenyi wa tangwa lia muwundu mu puya. Yaheta ku chiputa chimwe, yeta kuli Zambi akafwe. Ngwenyi, Kunahu, Yehova, tambula kama mwono wami, mumu chapemene kuhiana atata.

Kwalula 11:15

Nyi mulinga chocho kuli yami ungushihe haliapwila, nyi nawana vumbi kumeso je. Kanda ngumona lamba lino lia yami.

Longeshi 1:17

Kashika nasele mbunge yami kunyingika mana ni kunyingika uzaluke ni uhepuke nawa. Alioze namwene pundu chino nawa chapwa ngwe kuhanga ye fuji.

Longeshi 4:3

Ewa nalemesene yoze kanda apwa kuhiana wano eswe ni aali mumu kanda achimona yitanga yipi yize akulinga kushi lia tangwa.