Longeshi 2:16 - MUKANDA USANDU WA ZAMBI 1975

¹⁶ Mumu mavulama mukwa mana chizechene ngwe kakuvulama chihepuke ndo ku miaka, se ku miaka ya kulutwe yuma yeswe makayivulama. Kuma, mukwa mana kakufwa chizechene ngwe chihepuke kakufwa.

Mukanda Wa Zambi 1970

¹⁶ Niumwe wakwiwuluka akwa mana, nawa niumwe wakwiwuluka yihepuke. Ha miaka ya kulutwe, atu meeza kutuvulama eswe. Yetu eswe mutukafwa, ni akwa mana ni yihepuke.

Longeshi 2:16 Iomraidhean Croise

2 Samuel 3:33

Mwanangana Walilile mbimbi hali Abenere ngwenyi, Abenere! Te Chakutamba kufwa ngwe chihepuke nyi?

Miaso (Masamu) 103:16

Mumu fuji muyipalikaho necho hichaya ni chihela chacho kuchichi kuchinyingika nawa.

Miaso (Masamu) 49:10

Mumu kakumona ngwe akwa mana kakufwa; ni chihepuke ni yoze keshi mana kakunonga hamuwika nikuhichika upite wo kuli akwo.

Miaso (Masamu) 88:12

Yikomokeso ye mayinyingika mu milima nyi? Hanji ululi we maunyingika mu chifuchi cha mavulie nyi?

Kutuhuka 1:6

Yafwa José; yafwa nawa ayayo eswe ni akwa chisemuko chize eswe.

Kutuhuka 1:8

Aswanyishine mwanangana weka wa Engitu, umwe kanyingikine José.

Yishima 14:8

Kuli chikanyame kunyingika jila yenyi chapwa mana; alioze uhepuke wa yihepuke wapwa wa kwonga.

Longeshi 1:11

Atu keshi kwiwuluka yuma yize hiyapalika ni yuma yize muyiza kechi kuyiwuluka kuli waze meza kwiza.

Longeshi 2:14

Mukwa mana kali ni meso mu mutwe wenyi, alioze chihepuke kakwenda mu milima. Hindu namwene ngwe chuma chimuwika chakwawana eswe.

Longeshi 2:15

Mba nambile mu mbunge yami ngwami, Chize chakuwana chihepuke muchinguwana yami, kashika mana jami kuchi apwa? Kashika nambile mu mbunge yami ngwami, Chino nawa chapwa chamokomoko.

Longeshi 6:8

Mukwa mana kali ni chimwe chuma chihepuke keshi nacho? Chiswale chika ali nacho, chipwe kananyingika kwenda kumeso ja akwa mwono?

Longeshi 7:2

Hapwa kuya ku zuwo lia masoji, hi zuwo lia muzumbu ko. Mumu kufwa, songo lia atu eswe, ni akwa mwono machisa ku mbunge.

Longeshi 8:10

Chikwo nawa namwene chize mafunda yingulungulu; o yaheta ku fuka; alioze akwa kulinga yipema yakatuka kwe kuma kusandu ni mu chihunda yaavulama. Chino nawa chuma chamokomoko.

Longeshi 9:15

Alioze awanyinemo umwe mukwa mana chiswale; aye ni mana jenyi wapulwile chihunda, hindu niumwe Wewulukile mwe chiswale.

Longeshi 9:5

Mumu amwono kananyingika ngwo, Mutukafwa, alioze afu kanyingikine nichimwe. Keshi nawa ni kwononona; keshi kwewuluka.

Malaki 3:16

Henaho waze evwilile woma Yehova ahanjikile kanji umwe kuli mukwo ni mukwo; ni Yehova waapanjikile, wavwile, mba yasoneka mukanda wa kwiwuluka kumeso jenyi wa waze evwilile woma Yehova, nikunyonga ha jina lienyi.

Hebreu 9:27

Chizechene ngwe hanachitulikila atu eswe kufwa kamuwika, mba kulutwe lia chino upatwilo,