Longeshi 2:15 - MUKANDA USANDU WA ZAMBI 1975

¹⁵ Mba nambile mu mbunge yami ngwami, Chize chakuwana chihepuke muchinguwana yami, kashika mana jami kuchi apwa? Kashika nambile mu mbunge yami ngwami, Chino nawa chapwa chamokomoko.

Mukanda Wa Zambi 1970

¹⁵ Yingulihanjikisa ngwami: “Ni yami mungumona lamba ngwe yihepuke, mba chika mungufumbula nyi nabwa mukwa mana?” Yingulikumbulula ngwami: “Nichimwe!”

Longeshi 2:15 Iomraidhean Croise

1 Yitanga Ya Mianangana 3:12

kashika hinalinga nikulita ni liji lie. Hinakwaha mbunge ya mana ni yinyingi chocho kukwapwile niumwe wa kulita ni yena kunyima, chipwe kulutwe niumwe masoloka wa kulita ni yena.

Longeshi 1:14

Hinamona milimo yeswe akuyilinga mushi lia tangwa; yeswe yamokomoko ya kuhanga ye fuji.

Longeshi 1:16

Nalishimwinyine ni mbunge ya yami mwene ngwami, Hinalilongesa mana anji kuhiana waze eswe angutetekelele mu Yerusaleme; mbunge yami hiyalijilila ni mana ni yinyingi.

Longeshi 1:18

Mumu mana anji kakufwichisa mutu; ni yoze mokesa yinyingi mokesa yinyengo.

Longeshi 1:2

Chamokomoko pundu pundu! Chilumbununyi ngwenyi, Chamokomoko pundu pundu, yeswe yapwa yamokomoko!

Longeshi 2:16

Mumu mavulama mukwa mana chizechene ngwe kakuvulama chihepuke ndo ku miaka, se ku miaka ya kulutwe yuma yeswe makayivulama. Kuma, mukwa mana kakufwa chizechene ngwe chihepuke kakufwa.

Longeshi 6:11

Se yuma yinji yiliko ya kufujisa wika, mutu kuchi mafumbuka nayo?

Longeshi 6:8

Mukwa mana kali ni chimwe chuma chihepuke keshi nacho? Chiswale chika ali nacho, chipwe kananyingika kwenda kumeso ja akwa mwono?