Longeshi 2:10 - MUKANDA USANDU WA ZAMBI 1975

¹⁰ Cheswacho meso jami azangile chahonene. Chaminyine mbunge yami chiseke nichimwe mumu mbunge yami yawahilila mumu ha yitanga yami yeswe. Acho chapwile fweto yami ya ku milimo yami yeswe.

Mukanda Wa Zambi 1970

¹⁰ Cheswacho nazangile, yinguchiyuka. Chahonene ko chiseke nichimwe mu mwono wami. Nalengumukine ni yuma yeswe yize nalingile, yize yeswe yabwile kukundulula chami.

Longeshi 2:10 Iomraidhean Croise

Ubutukilo 3:6

Muze pwo yamona ngwenyi, Mutondo upema wa kulia, chikwo nawa unawaha ku meso, mutondo wa kuzanga hanga akapwe ni mana, yahelako mihuko, yalia. Yahana nawa kuli mukwo-lunga hamwe nenyi, neye yalia.

Ubutukilo 6:2

ana a Zambi a malunga amwene ana a mapwo ja atu ngwo, Apema, kashika ambachile mapwo hakachi ka waze eswe azangile.

Jobe 31:1

Nakolesele shingo ni meso jami; mba kuchi munguhasa kusa meso jami hali mwana-pwo?

Miaso (Masamu) 119:37

Tewulula kama meso jami, kanda atala yuma yamokomoko, unguhuzulule mu majila je.

Miaso (Masamu) 128:2

Mumu kumukalia cha kuhondangana cha moko je. Kumukawaha, kumuchikapwa kanawa ni yena.

Yishima 23:5

Musela meso je ku chuma chize kuchishiko, nyi? Mumu chamwenemwene upite wakulisokela mapulwa. Wapwa ngwe pupa yoze wakuhumuka kwilu.

Longeshi 11:9

Wahilila mukweze mu ukweze we, mbunge ye yikuwahise ha matangwa a ukweze we; enda mu majila ja mbunge ye, ni mu kutala cha meso je. Alioze nyingika, ha yuma yino yeswe Zambi makusopesa.

Longeshi 2:1

Nambile mu mbunge yami ngwami, Tuye tweseke chiseke. Wahilila ni chiseke. Alioze acho nawa chapwile chamokomoko.

Longeshi 2:22

Mutu chika mafumbuka ku kuhondangana chenyi cheswe, ni kulifwita cha mbunge yenyi chize ahondanganyine nacho kushi lia tangwa?

Longeshi 2:24

Nyi mutu malia, manwa, mawahisa mbunge yenyi ni upeme wa milimo yenyi, nichimwe chikwo cha kuwaha chakuhi. Chino nawa nachimwene cha ku kwoko lia Zambi.

Longeshi 3:22

Kashika kamwene ngwami, Nichimwe chuma chahiana kupema hali mutu shina akawahe ni yitanga yenyi mumu che chihanda chenyi chenacho. Iya mamuhilwisa nawa akamone chize muchipwa muze te haya?

Longeshi 5:10

Yoze unase mbunge ku prata kechi kuyuka ni prata; yoze unase mbunge yenyi ku kwoka cha upite kechi kuyuka ni kulumbama. Chino nawa chapwa chamokomoko.

Longeshi 5:17

Matangwa jenyi eswe kanali mu milima nawa ni kulifwita ni kuyiza ni ufwatulo.

Longeshi 5:18

Chize namona kupema ni kuwaha ngwami, Mutu akalie, akanwe, akawahe ni yipema ya kuhondangana chenyi cheswe chize anahondangana nacho kushi lia tangwa matangwa eswe a mwono uze Zambi hamwaha. Chihanda chenyi chenacho.

Longeshi 6:2

umwe mutu Zambi hamwaha upite, ni yikumba, ni ulemu. Kahonene nichimwe cha yize yeswe mbunge yenyi yinazange. Hindu Zambi kamuhele chiyulo cha kuhako. Alioze umwe weka mayilia. Chino chapwa nawa chamokomoko—te musongo upi.

Longeshi 6:9

Kuzangazanga naye kuchayukishile; Shinaho kumona ni meso. Chino nawa chapwa chamokomoko ngwe kuhanga ye fuji.

Longeshi 8:15

Henaho nalemesene uwahililo, mumu mutu keshi ni chuma chikwo chipema kushi lia tangwa shina kulia, ni kunwa, ni kuwahilila, mumu chino mahasa kutwama nacho mu kukilikita chenyi matangwa eswe a mwono wenyi aze Zambi mamwaha kushi lia tangwa.

Longeshi 9:6

Ni zango lio, ni kole yo, ni chipululu cho, yeswe hiyajimuka, mba ndo ku miaka ya mutolo o keshi ni chihanda nichimwe cha yuma yize akulingalinga kushi lia tangwa.

Longeshi 9:9

Wahilila ni mukwenu-pwo wa zango matangwa eswe a mwono we wamokomoko, hanakwehe kushi lia tangwa mumu chihanda che chenacho mu mwono, ni mu milimo ye yize unahondangana nayo kushi lia tangwa.

1 Yoano 2:16

Mumu yize yeswe yili hano hashi, usolo wa musunya, ni usolo wa meso, ni kulizata cha mwono, hi ya kuli Tata ko, aiioze ya hano hashi.

Akwa Kuyula 14:2

Muze hakanduka nawa wambulwilile tato ni naye ngwenyi, Hinamona umwe pwo mwana wa A-Filistea ku Timna, kashika ngutendeleye akapwe pwo liami.