Longeshi 12:2 - MUKANDA USANDU WA ZAMBI 1975

² Shimbu tangwa ni pangu, ni kakweji ni matongonoshi kanda yilá ni malelwa kanda ahiluka kulutwe lia vula.

Mukanda Wa Zambi 1970

² Muze pangu lia tangwa, ni kakweji, ni matongonoshi kuyichi kakutemukina kanawa, ni malelwa a vula keechi katanduluka.

Longeshi 12:2 Iomraidhean Croise

Ubutukilo 27:1

Kwapwile muze Izake hapwa mukulwana, meso jenyi halá, kahashile kumona, yasanyika Esau mwanenyi wa mukulwana ngwenyi, Mwanami. Iye yakumbulula ngwenyi, Yami uno.

Ubutukilo 48:10

Meso a Izalele hanalá ni ushinakaji, kashika kahashile kumona. José yaakundamisa kuli iye mba yaaha mbeju, yalizewilo.

Miaso (Masamu) 42:7

Jondo yakutambika ku jondo ha lundunjila wa yipupa ye. Mikanya ye yeswe ni kufuza che cheswe hichapalika hali yami.

Miaso (Masamu) 71:20

Yena watulweza lamba linji likalu mukatuhuzulula nawa. Mukatuchiza cheka nawa kushi lia mavu.

Miaso (Masamu) 77:16

E meya akumwene, Zambi. E meya akumwene, mba evwile woma. Majinga nawa achikimine.

Miaso (Masamu) 90:10

Miaka yetu yapwa makumi shimbiali a miaka, hanji mumu ha tachi muyipwa makumi nake. Hindu kulenga chayo chinapu kuhondangana ni chinyengo wika, mumu yakuhwa nikawashi ni yetu mutuhumuka.

Izaya 13:10

Mumu matongonoshi a mwilu ni mbunga jo kechi katemuka; tangwa mulikalá ha kuvumbuka ni kakweji kechi katwa mweji.

Izaya 5:30

Kumakakenanyinako ha tangwa lize ngwe kuchungula cha kalunga-lwiji. Nyi umwe matala ku chifuchi, kumanyi milima ni kupinda, ni mwalwa unala ni malelwa jako.

Joele 3:15

Tangwa ni kakweji kakulá, ni matongonoshi kakulitwamina kutemuka.

Mateu 24:29

Alioze haze hene kulutwe lia luyinda wa matangwa aze, tangwa mulikalá, ni kakweji kechi katwa mieji, ni matongonoshi kumakaholoka mwilu, ni tachi ja malilu kumujikanyika.

1 Samuel 3:2

Ha matangwa aze, muze te Eli hapomba ha muhela wenyi (meso jenyi halá, kahashile kumona),

1 Samuel 4:15

Eli te kali ni makumi livwa a miaka ni miaka nake. Meso jenyi halá kahashile kumona.

1 Samuel 4:18

Mba muze havuluka mushete wa Zambi Eli yalimbuka ha chitwamo chenyi kunyima ku kulwa chajilo. Yamakuka kota. Yafwa mumu te mukulwana chikolo; kanaleme. Te hanayulu A-Izalele makumi awana a miaka.