Longeshi 12:13 - MUKANDA USANDU WA ZAMBI 1975

¹³ Songo lia chikuma; cheswe twachivwa. Vwila woma Zambi, ni kufunga shimbi jenyi, mumu henaho hasulila milimo ya mutu.

Mukanda Wa Zambi 1970

¹³ Ku songo lia yino yeswe, kuli lume Chuma chimuwika chakwamba ngwami: Lemesa Zambi, funga Shimbi yenyi; mumu ha chikuma chino Zambi atangilile mutu.

Longeshi 12:13 Iomraidhean Croise

Shimbi 10:12

Haliapwila, enu A-Izalele, Yehova Zambi yenu kuchi anafupu kuli yenu? Kanafupu nuvwile woma Yehova Zambi yenu ni kwenda mu majila jenyi eswe, nikumuzanga, nikuvumbika Yehova Zambi yenu ni mbunge jenu jeswe ni alma jenu jeswe,

Mika 6:8

Ena lunga, hanakulweze chize Chinapeme. Yehova yika anafupu kuli yena shina kupatula ni ululi, ni kuzanga vumbi, ni kuliendela ni Zambi ye ni kulikehesa?

Shimbi 6:2

Nukavwile woma Yehova Zambi yenu, mukufunga yiyulo yenyi yeswe ni shimbi jenyi ngunanwambeyo, ni yenu, ni ana jenu, ni ajikulu jenu, matangwa eswe a mwono wenu, hanga matangwa jenu akapwe anji.

Miaso (Masamu) 111:10

Woma wa Yehova, we uputukilo wa mana. Waze eswe akulinga nikulita, malinjekela akwete. Uhaliso wenyi kuwalinduluka wa mutolo.

Jobe 28:28

Mba wambile kuli mutu ngwenyi, Tala, woma wa Yehova, e mana aze ene. Kukatuka ku yuma yipi, che chinyingi chenacho.

Miaso (Masamu) 145:19

Kumakayukisa usona wa waze akumuvwila woma. Kumakevwa muteto wo nawa, kumakaalamwina.

Longeshi 8:12

Chipwe chivulumunyi malinga chipi kulakaji lia yisuho ni kusuhisa matangwa jenyi, hindu ngunanyingika pundu waze mavwila woma Zambi kumakawaha, ngwami waze akuvwila woma kumeso jenyi.

Luka 1:50

Keke yenyi kuyili ku yisemuko ni yisemuko kuli waze akumuvwila woma.

Yishima 19:23

Woma wa Yehova watwala ku mwono, yoze uli nawo matwama nikuyuka, kechi kumona yipi.

Yishima 1:7

Woma wa Yehova we uputukilo wa yinyingi, ahoze yihepuke kakulelesa mana ni kufumba.

Miaso (Masamu) 147:11

Yehova kakuwahilila muli waze akumuvwila woma, ni muli waze akutalatala ku keke yenyi.

Longeshi 5:7

Chino cheswe chineza mumu ha kwokesa yilota, ni yuma yamokomoko, ni maliji anji. Ena vwila woma Zambi.

Usolwelo 19:5

Ni liji liatuhukile mu ngunja, ngwo, Halisenu Zambi yetu, yenu eswe ndungo jenyi, yenu nwakumuvwila woma, akepe ni anene.

1 Petulu 2:17

Lemesenu atu eswe, zangenu mandumbu, ivwenu woma kuli Zambi, lemesenu mwanangana.

Yishima 23:17

Mu mbunge ye kanda uvwila ukwa akwa shili, alioze pwako yena ni woma wa Yehova tangwa lieswe nganganga.

Shimbi 4:2

Kanda nuweza ku liji ngunanwambelio chipwe kutepululako. Nufunge maliji a shimbi a Yehova Zambi yenu nanwamba.

Ubutukilo 22:12

Yamba ngwenyi, Kanda usa kwoko lie hali mwana, chipwe kumulinga chimwe chuma, ka, mumu haliapwila ngunanyingika ngwami, Wakuvwila woma Zambi se kwanguminyine mwané, mwe mwané wa wika.

Longeshi 6:12

Iya manyingika chize chapemena mutu mu mwono wenyi, matangwa eswe a mwono wenyi wamokomoko uze kakupalikisa ngwe Chizulie? Iya mahasa kulweza mutu chize muchipwa kushi lia tangwa muze iye hanayi?

Longeshi 2:3

Nafupile mu mbunge yami chize munguhasa kuliwahisa ku musunya ni vinyu; mbunge yami te yinangusongwela ni mana, chize mungukwata ku uhepuke, ndo mungusa chinyingi chize chinapemena ana ja atu, hanga akachilinge kushi lia malilu matangwa eswe a mwono wo.

1 Samuel 12:24

Chino wika ngwami, Vwilenu woma Yehova nukamulingile mu umwenemwene ni mbunge jenu jeswe, nukazewule yuma yinene yipwa haha hananulingila.

Longeshi 3:14

Ngunanyingika cheswacho Zambi malinga muchipwa cha mutolo. Kechi kuhasa kuwezako chuma, chipwe kechi kuhasa kutepululako chuma. Zambi hanachilingi hanga atu akevwe woma kumeso jenyi.

Longeshi 7:18

Chipema ukwate chino, alioze kanda wecha chize, mumu mukwa kuvwila woma Zambi matusuka ku yuma yino yeswe.

Longeshi 8:5

Mweswe mafunga shimbi kechi kumona chipi, mba mbunge ya mukwa mana kuyakunyingika ngwe chatamba kulinga ni ola ya kulinga.

Shimbi 4:10

Nwalweze tangwa nwamanyine kumeso ja Yehova Zambi yenu mu Horepe muze ambile Yehova kuli yami ngwenyi, Ngukungulwile atu, mungwavwisa maliji jami, akalilongese kunguvwila woma matangwa eswe matwama hashi, akalongese ana jo.

Shimbi 10:20

Nukavwile woma Yehova Zambi yenu, nukamuvumbike iye, nukamulalaminye, nukalishinge ni jina lienyi.

1 Yitanga Ya Mianangana 2:3

Funga shimbi ya Yehova Zambi ye ukende mu majila jenyi ukafunge yiyulo yenyi, ni shimbi jenyi, ni upatwilo wenyi, ni Shindakenyo yenyi nikulita ni chize chinasonewa mu shimbi ya Mose hanga Ukawahe mu yuma yeswe mukalinga kweswako mutalikisa,