Longeshi 12:1 - MUKANDA USANDU WA ZAMBI 1975

¹ Iwuluka Tangi ye ha matangwa ja ukweze we, shimbu matangwa api kandeza, hanji miaka yize muyiza muze muwamba ngwe, Chawahililile nayo.

Mukanda Wa Zambi 1970

¹ Kashika iwuluka Tangi ye muze uchili mukweze, mumu kulutwe matangwa a lamba ni miaka muyikeza muze muukamba ngwe: “Chisolo kuwahilila.”

Longeshi 12:1 Iomraidhean Croise

Ubutukilo 39:2

Yehova wapwile hamwe ni José, iye wapwile ni somo watwamine mu zuwo lia kakó mwe Ka-Engitu.

Ubutukilo 39:23

Mwe kalayi ka zuwo lia ususu katalile ku yuma yapwile mu kwoko lia José mumu Yehova wapwile nenyi. Cheswacho alingile, Yehova wachiwahishile.

2 Samuel 19:35

Nguli ni makumi nake a miaka. Te ngunahase kusa chinyingi hakachi ka yipema ni yipi? Yami kavumbi kenu te ngunahase kwivwa kanawa chize ngunali hanji chize ngunanu? Te ngunahase kwivwa liji lia njimba a malunga hanji a mapwo? Mba yami kavumbi kenu kuchi te mungupwa chiteli kuli mwene wami mwanangana?

2 Samuel 19:36

Yami kavumbi kenu ngunazange kuya hakehe wika mu sali lia Yordau hamwe ni mwanangana. Ha chikuma chika mwanangana manguhela kwononona chipwa haha?

1 Yitanga Ya Mianangana 14:13

A-Izalele eswe mamulila, mamufunda, mumu hakachi ka A-Jeroboame eswe iye wika mamufunda mu fuka, mumu hawana muli iye ukawenyi mu munyachi wa Jeroboame, chuma chimwe chipema kuli Yehova Zambi ya Izalele.

1 Yitanga Ya Mianangana 18:12

Mba muze hinaya Spiritu ya Yehova manumbata kuze yami Chanyingikine. Chocho ami munguheta kuli Ahabe nikumwambulwila mba muze kanuwanyine mangushiha. Alioze ami kavumbi kenu nakwivwa woma wa Yehova chize ku wanuke wami.

Nehemia 4:14

Natalile, mba yingukatuka yingwamba kuli alemu, ni kuli akwa kuyula, ni kuli atu akwo, ngwami, Kanda nwavwila woma. Iwulukenu Mwene, mwe munene kole ni woma, nukase jita hali akwenu, ni ana jenu a malunga ni a mapwo, ni mapwo jenu, ni mazuwo jenu.

Jobe 30:2

Te mungufumbuka chimwe ni tachi ja moko jo? Malunga amwe hahwa tachi?

Miaso (Masamu) 119:55

Yehova, nakwiwuluka jina lie ha ufuku, nakufunga shimbi je.

Miaso (Masamu) 34:11

Enu ana tweyenu nungwivwe, mba mungunulongesa woma wa Yehova.

Miaso (Masamu) 63:6

muze mungukwiwuluka ha muhela wami nikupukuna yuma ya yena hakachi ka ufuku.

Miaso (Masamu) 90:10

Miaka yetu yapwa makumi shimbiali a miaka, hanji mumu ha tachi muyipwa makumi nake. Hindu kulenga chayo chinapu kuhondangana ni chinyengo wika, mumu yakuhwa nikawashi ni yetu mutuhumuka.

Yishima 22:6

Fumba mwana mu jila yize chamutamba kuya, mba muze mapwa mukulwana kechi kuyihichika.

Yishima 8:17

Waze akunguzanga ni yami nakwazanga; ni waze akulianga kungufupa manguwana.

Longeshi 11:10

Chize kulifwita ku manyonga je; huma yikola ku mujimba we; mu ukweze ni kuvumbuka cha mwono yeswe yapwa yamokomoko.

Longeshi 11:2

Kunjika chihanda kuli shimbiali hanji nake, mumu kwanyingikine chipi chize muchiza hashi.

Longeshi 11:8

Mumu nyi mutu matwama ni mwono miaka yinji awahilile mu yeswe; alioze ewuluke nawa, matangwa a milima anji. Yize yeswe yineza yamokomoko.

Izaya 26:8

Yehova, tunakutwaminyina mwe mu jila ya upatwilo we. Jina lie lia kwiwuluka kuliapwa lia kuzanga mu mbunge jetu.

Lungungu 3:27

Chinapeme mutu akalitwike kanga ha ukweze wenyi.

Daniel 1:17

Ha kutwala kuli wano akweze awana, Zambi yaaha chinyingi ni kulongoloka mu sona jeswe ni mana, ni Daniel wapwile ni chinyingi cha usolwelo weswe ni yilota.

Hosea 7:9

Yilambala kanali tachi jenyi; kachinyingikine. Kambu jitoma haputuka kupwa najo; kachinyingikine.

Luka 1:15

Mumu kumakapwa munene kumeso ja Mwene, kechi kanwa vinyu, chipwe kunwa chimwe chisasu, ka; iye makazala tò ni Spiritu Musandu, chize ku jimo lia naye.

Luka 18:16

Alioze Yesu waatambikile kuli iye, wambile ngwenyi, Tayizenu ana akepe eze kuli yami, kanda nwakanjisa: mumu wanangana wa Zambi wa wano ene.

Efesu 6:4

Yenu atato, kanda nukehia ana jenu ku utenu: alioze alelenu ni kufumba ni kukanyamisa cha Mwene.

Shimbi 8:18

Alioze iwulukenu Yehova Zambi yenu, mumu iye ananwehe ngolo nuzuke upite; hanga akakolese usendo wenyi alishingililewo kuli tulamba twenu, ngwe chinapu musono.

2 Timoteu 3:15

ngwe chize ku ukemba we hiunanyingika je sona jisandu jize jinahase kukufumba mana mukuzuka ulamwino ku Ufulielo uze uli muli Kristu Yesu.

1 Samuel 1:28

Kashika ni yami nawa hinamuhana kuli Yehova. Ha matangwa eswe a mwono wenyi hinamuhana kuli Yehova. Mwe mwana wawayililileko Yehova.

1 Samuel 16:7

Alioze Yehova yamba kuli Samuel ngwenyi, Kanda utala ku meso jenyi, hanji ku Chizundamo chenyi, mumu hinalitunaye. Yehova kamwene ngwe atu akumona. Mumu atu kakutala ku kusoloka cha haze, alioze Yehova kakutala ku mbunge.

1 Samuel 2:18

Alioze Samuel wavumbikile kumeso ja Yehova, achili mwana, wakulijichikila efode ya hina litoma lipema.

1 Samuel 2:26

Alioze mwe mwana Samuel wayile nikutatuka, nikuwana vumbi kuli Yehova ni kuli atu nawa.