Longeshi 11:9 - MUKANDA USANDU WA ZAMBI 1975

⁹ Wahilila mukweze mu ukweze we, mbunge ye yikuwahise ha matangwa a ukweze we; enda mu majila ja mbunge ye, ni mu kutala cha meso je. Alioze nyingika, ha yuma yino yeswe Zambi makusopesa.

Mukanda Wa Zambi 1970

⁹ Yena mukweze Wahilila, Wahilila muze uchili mukweze. Linga yeswe yize unazange kulinga, yeswe yize unamono ngwe yinabeme ku meso. Alioze iwuluka ngwe, Zambi makakubatwila ha yeswe yize wakulinga.

Longeshi 11:9 Iomraidhean Croise

Ubutukilo 3:6

Muze pwo yamona ngwenyi, Mutondo upema wa kulia, chikwo nawa unawaha ku meso, mutondo wa kuzanga hanga akapwe ni mana, yahelako mihuko, yalia. Yahana nawa kuli mukwo-lunga hamwe nenyi, neye yalia.

Ubutukilo 6:2

ana a Zambi a malunga amwene ana a mapwo ja atu ngwo, Apema, kashika ambachile mapwo hakachi ka waze eswe azangile.

1 Yitanga Ya Mianangana 18:12

Mba muze hinaya Spiritu ya Yehova manumbata kuze yami Chanyingikine. Chocho ami munguheta kuli Ahabe nikumwambulwila mba muze kanuwanyine mangushiha. Alioze ami kavumbi kenu nakwivwa woma wa Yehova chize ku wanuke wami.

1 Yitanga Ya Mianangana 18:27

Ha kuheta tangwa ha muchima, Eliya yaalenya ngwenyi, Tambikenu! mumu iye zambi. Hanji kananyongo, hanji haya kumwe kuma, hanji mu wenyi, hanji hanongwoka mba chatamba kumulawisa.

1 Yitanga Ya Mianangana 22:15

Muze haheta kuli mwanangana, mwanangana yamba kuli iye ngwenyi, Mikaia tuye mukwasa jita ni Ramote-Ngiliate nyi ka? Yamukumbulula ngwenyi Kanduka nikuwaha mba Yehova machikunjika mu kwoko lia mwanangana.

Jobe 31:7

nyi lwano wami hapiasuka mu jila, mbunge yami yikakaule meso jami, hanji chipeka cheswacho hichalalaminya ku moko jami,

Miaso (Masamu) 81:12

Kashika naakunjikile ku pami ja mbunge jo, hanga akende nikulita ni yiyulo yo ene.

Longeshi 12:1

Iwuluka Tangi ye ha matangwa ja ukweze we, shimbu matangwa api kandeza, hanji miaka yize muyiza muze muwamba ngwe, Chawahililile nayo.

Longeshi 12:14

Mumu Zambi makokela chitanga cheswe ku usopelo, ni chuma cheswe cha kuhengama, chipwe chipema, chipwe chipi.

Longeshi 2:10

Cheswacho meso jami azangile chahonene. Chaminyine mbunge yami chiseke nichimwe mumu mbunge yami yawahilila mumu ha yitanga yami yeswe. Acho chapwile fweto yami ya ku milimo yami yeswe.

Longeshi 3:12

Hali ayo chuma chikwo chahiana kupema chakuhi shina kuwahilila ni kulinga yipema miaka yeswe ya mwono wo.

Longeshi 3:17

Yingwamba mu mbunge yami ngwami, Zambi mapatwila akwa ululi ni yingulungulu, mumu kulili tangwa ha kupala cheswe ni ha milimo yeswe.

Longeshi 6:9

Kuzangazanga naye kuchayukishile; Shinaho kumona ni meso. Chino nawa chapwa chamokomoko ngwe kuhanga ye fuji.

Longeshi 7:14

Wahilila ha tangwa lia kuyuka; Zewula kanawa ha tangwa lia luyinda. Zambi halinga limwe hamuwika ni likwo hanga mutu kechi kasa chinyingi chimwe chuma muchiza kupwa muze iye haya kulu.

Jeremia 23:17

Kakwambamba kuli waze akulelesa liji lia Yehova ngwo, Mukawaha, ni kuli waze akukaula mbunge jo ene ni pami kakwamba ngwo, Nichimwe chuma chipi kuchichi kukuwana.

Jeremia 7:24

Alioze kapanjikile chipwe kutela matwi. Endele nikulita ni yiyulo yo ni pami ja mbunge jo jipi. Ayile kunyima hi kulutwe ko.

Lungungu 3:27

Chinapeme mutu akalitwike kanga ha ukweze wenyi.

Kwalula 15:30

Alioze nyi mutu malinga chuma cha kulengumuka, chipwe mwenyembo chipwe njize, makashililika Yehova, auze mutu akamutete hakachi ka atu jenyi.

Kwalula 15:39

Jikapwe sapo kuli yenu hanga ha kutalaho nukewuluke maliji eswe a shimbi ja Yehova, nukaalinge, kuchina munukaula mbunge ja yenwene ni meso ja yenwene, yenayo nwakukaula ni kulinga ukoi.

Kwalula 22:32

Mungelo wa Yehova yamba kuli iye ngwenyi. Kuchi te hiwalamba chimbulu che kaze katatu? Kutala! Yami hinatuhuka mukupwa mukwa kole, mumu jila ye kuyahenga kumeso jami.

Mateu 5:28

alioze yami ngunambe kuli yenu ngwami, Mweswawo matala pwo mukumuvwila usolo, halinga nenyi utanji kulu mu mbunge yenyi.

Luka 12:19

Mba mungwamba ku mbunge yami ngwami, Mbunge yami, yuma yinji uli nayo ya kutulikila ha miaka yinji; hwima, ulie, unwe, usehejele.

Yilinga 14:16

iye ha yisemuko yize hiyinapalika Watayijile mavungu eswe kwenda mu majila jo ene.

Yilinga 24:25

Shimbu ahanjikile kuli ayo ha kutwala ku ululi, ni kusúla, ni upatwilo uze muwizaho, Fwelishia wazalile tò ni woma, wakumbulwile ngwenyi, Yénu haliapwila; ni muze munguwana mwaka upema, mungukakutambika.

A-ROMA 14:10

Alioze yena, ika te wakupatwila ndumbwe? Hanji ika te wakulelesa ndumbwe? Mumu yetu eswe kumutukamana kulutwe lia chitwamo cha upatwilo wa Zambi.

1 Korintu 4:5

Kashika kanda nukapatula nichimwe shimbu te mwaka kanda uheta, ndo Mwene meza, iye makaneha ku pangu yuma ya kuhengama ya milima, makasolola manyonga ja mbunge; hohene mutu ni mutu makapwa ni uhaliso wenyi wa kuli Zambi.

2 Korintu 5:10

Mumu chatamba akatusolole eswe kulutwe lia chitwamo cha upatwilo wa Kristu; hanga eswe akatambule yuma yize alingile mu mujimba, nikulita ni chize alingile, chipwe chipema, chipwe chipi.

Shimbi 29:19

Kuchina ha kwivwa maliji a shingo lino, maliwahisa mwene mu mbunge yenyi ngwenyi, Mungupwa ni sambukila, chipwe mungwenda ni pami ja mbunge yami, ku pwila yami munguweza kuzengewa.

Hebreu 9:27

Chizechene ngwe hanachitulikila atu eswe kufwa kamuwika, mba kulutwe lia chino upatwilo,

Yoshua 7:21

Muze namwene hakachi ka yuma ya kupupa chikuto chimwe chipema cha ku Babilonia, ni kulakaji aali a shekele ja prata, ni chipinji cha oru cha makumi atano a shekele nayivwilile kuzo, yinguyitambula. Kuyili ya kusweka mu mavu muchima lia mbalaka yami. Prata kushi yili.

2 Petulu 3:7

Alioze malilu aze a haliapwila, ni hashi, ku liji limuwika hanayitulikila kahia, kanayifungu ndo ku tangwa lia upatwilo ni kwonwona cha yitanganyani.