Longeshi 11:8 - MUKANDA USANDU WA ZAMBI 1975

⁸ Mumu nyi mutu matwama ni mwono miaka yinji awahilile mu yeswe; alioze ewuluke nawa, matangwa a milima anji. Yize yeswe yineza yamokomoko.

Mukanda Wa Zambi 1970

⁸ Wahilila ha miaka yeswe yize uli ni mwono. Kuheshi Chuma chibwe muubwa ni mwono miaka yinji, iwuluka ngwe, muze hiwafwa ufuku wa kulutwe muubwa wa miaka yinji kuhiana. Yeswe yize yili kulutwe yili yamokomoko.

Longeshi 11:8 Iomraidhean Croise

Jobe 10:21

shimbu kanda nguya kuze chichi kukatukako, ku chifuchi cha kulá pwi ni milima,

Jobe 10:22

chifuchi chize cha kulá ni kuvundangenya, kuze pangu liako liapwa milima.

Jobe 14:10

Alioze mutu mafwa, mamupombesa; masutuka mba kulihi ali?

Jobe 14:12

chocho mapomba mba kechi kuhinduka nawa. Kechi kulaula nawa, hanji kukasumuka ku tulo twenyi ndo malilu hahwa.

Jobe 15:23

Kakwendangana nikufupafupa kulia ngwenyi, Chilihicho? Kananyingika tangwa lia milima hakamwihi lili.

Jobe 18:18

Kakumuchlza mu pangu ni kumunungwina mu milima; kakumuhuma hashi.

Miaso (Masamu) 49:20

Mutu yoze kanatwama ku ulemu hindu keshi ni mana, kapwa ngwe tushitu aze akufwa.

Longeshi 11:2

Kunjika chihanda kuli shimbiali hanji nake, mumu kwanyingikine chipi chize muchiza hashi.

Longeshi 2:15

Mba nambile mu mbunge yami ngwami, Chize chakuwana chihepuke muchinguwana yami, kashika mana jami kuchi apwa? Kashika nambile mu mbunge yami ngwami, Chino nawa chapwa chamokomoko.

Longeshi 2:17

Chocho mwono wangupihilile mumu milimo yeswe akulinga kushi lia tangwa kuli yami yapwa ya kulifwita nayo wika, se yeswe yapwa yamokomoko ngwe kuhanga ye fuji.

Longeshi 2:19

Iya kananyingika nyi mapwa mukwa mana nyi chihepuke? Hindu makayula milimo yami yeswe yize nahondanganyine nikusolola mana jami kushi lia tangwa. Chino nawa chapwa chamokomoko.

Longeshi 2:26

Mumu kuli yoze wamuwahila Zambi mahana mana, ni yinyingi, ni uwahililo; alioze kuli chivulumunyi mahana milimo, akahondangane akalumbike yuma ya kuhana kuli yoze wapemena Zambi. Chino nawa chapwa chamokomoko ngwe kuhanga ye fuji.

Longeshi 4:16

Atu aze maayula anji, kechi kahwa ha kwaalula; hindu waze mamukaula kechi kuwahilila muli iye. Achi cheswe chamokomoko wate, ngwe kuhanga ye fuji.

Longeshi 4:8

Kwali umwe wa ukawenyi keshi ni mukwo. Keshi mwana, keshi yayo hindu kuhondangana chenyi cheswe kuchishi kuhwa, ni meso jenyi keshi kuyuka ni upite. Ngwenyi, Iya ngunahondanganyina nikuhonesa mbunge yami yuma yipema? Chino nawa chamokomoko; kukilikita cha yikatalo.

Longeshi 6:11

Se yuma yinji yiliko ya kufujisa wika, mutu kuchi mafumbuka nayo?

Longeshi 6:6

chipwe matwama ndo tununu aali a miaka, nyi kayukile ni chuma chipema. Te kayile eswe kuma kumuwika?

Longeshi 7:14

Wahilila ha tangwa lia kuyuka; Zewula kanawa ha tangwa lia luyinda. Zambi halinga limwe hamuwika ni likwo hanga mutu kechi kasa chinyingi chimwe chuma muchiza kupwa muze iye haya kulu.

Longeshi 8:12

Chipwe chivulumunyi malinga chipi kulakaji lia yisuho ni kusuhisa matangwa jenyi, hindu ngunanyingika pundu waze mavwila woma Zambi kumakawaha, ngwami waze akuvwila woma kumeso jenyi.

Longeshi 8:15

Henaho nalemesene uwahililo, mumu mutu keshi ni chuma chikwo chipema kushi lia tangwa shina kulia, ni kunwa, ni kuwahilila, mumu chino mahasa kutwama nacho mu kukilikita chenyi matangwa eswe a mwono wenyi aze Zambi mamwaha kushi lia tangwa.

Longeshi 9:7

Yako ukalie mbolo ye ni uwahililo; nwako vinyu ye ni mbunge ya chiseke, mumu Zambi hanatayiza kulu chize unalingi.

Jeremia 13:16

Chichimiekenu Yehova Zambi yenu shimbu kanda aneha milima, shimbu molu jenu kanda atalinga ha milundu ya kajimba-usoko. Shimbu munufupa pangu iye malialumuna Chizulie cha kufwa, nikulipwisa milima pwi.

Joele 2:2

Tangwa lia milima ni kulendama; tangwa lia malelwa ni milima pwi. Atu anene, a tachi aneza ngwe milima ha milundu. Kanda amoneka akwo a kulifwa no, chipwe kulutwe kechi kamoneka, chipwe ku miaka ya yisemuko yinji.

Mateu 22:13

Hohene mwanangana wambile kuli tuvumbi ngwenyi, Mukasenu molu ni moko, numumbile mu milima ya haze; kumukukapwa malilo ni kulikopola ku mazo.

Yoano 12:35

Yesu kashika wambile kuli ayo ngwenyi, Hindu shimbu likepe nawa pangu lichili hakachi kenu. Endenu shimbu nuli ni pangu, hanga milima kuyichi kanuwana; ni yoze menda mu milima kanyingikine kuze maya.

Shimbi 32:29

Nyi kachi mana apwile no, kachi machisa chinyingi, kachi mamona kama songo lio.

Yuda 1:18

ngwe ambile kuli yenu ngwo, Ha mwaka wa kusula kumukukapwa akwa kukekuna, waze akwenda nikulita ni usolo wo ene wa utanganyanyi.