Longeshi 11:5 - MUKANDA USANDU WA ZAMBI 1975

⁵ Kwanyingikine jila ya ye fuji, chipwe mwana chize akutatuka mu jimo lia kafumba, chocho kwanyingikine milimo ya Zambi mukwa kulinga yuma yeswe.

Mukanda Wa Zambi 1970

⁵ Zambi hanatange yuma yeswe, alioze yena kuwahashile kunyingika yize akulinga, ngwe chize kuwanyingikine kabutu ka mwono wa mwana muze achili mu jimo lia naye.

Longeshi 11:5 Iomraidhean Croise

Jobe 37:23

Mukwa-Ndundo-Jeswe kutwahashile kumuwana kapwa munene mu tachi ni ululi; ululi wenyi walumbama, kechi kuuhengesa.

Jobe 38:4

Muze nasele fundamentu ya hashi yena te kuli uli? Ngwambulwile nyi uli ni chinyingi.

Jobe 5:9

Aye kakulinga yuma yinene ya yijimbikilo; yikomokeso yenyi kechi kuhasa kuyalula.

Miaso (Masamu) 104:24

Yehova, yitanga ye yoka Chichize! Yeswe wayilingile ni mana. Hashi hazala tò ni upite we.

Miaso (Masamu) 40:5

Yehova Zambi yami, yitanga ya kukomwesa yize walinga, yinji. Manyonga je kuli yetu anji. Keshi kuhasa kwalumbununa kuli yena. Nyi kachi mungwaambulula ni kwahanjika, ahiana chize mutu mahasa kwalula.

Miaso (Masamu) 92:5

Yehova, yitanga ye yinene, manyonga je asuku chikolo.

Longeshi 1:13

mba nasele mbunge yami kufupa ni kupolongoza ni mana yuma yeswe akulinga mushi lia malilu. Chize Zambi hakunjika kuli ana ja atu kuhondangana nacho, kumanyi chuma cha chinyengo wika.

Longeshi 1:6

Fuji yakutalikisa ku Sule, yakujinga ndo ku Norte; yakulijinga jingié, mba ha kujinga chayo yakuhiluka.

Longeshi 11:4

Yoze matala ku fuji kechi kukuwa mbuto; yoze matala ku malelwa kechi kucha.

Longeshi 3:10

Hinamona milimo yize Zambi hanayikunjika kuli ana ja atu akalindangane nayo.

Longeshi 3:11

Aye hanalingi chuma cheswe chipema ha tangwa liacho; chikwo nawa hanase ye miaka yeswe mu mbunge jo chocho mutu kahashile kusa chinyingi milimo yize Zambi hanalingi chize ku uputukilo ndo ku songo.

Longeshi 7:24

Chize chapwa kusuku ni chinajotoka chikolo kuhiana, iya mahasa kuchinyingika?

Longeshi 8:17

henaho namwene kulinga cheswe cha Zambi chize mutu kechi kuhasa kusa chinyingi milimo yize akulinga kushi lia tangwa. Chipwe mutu mahondangana nikufupa, hindu kechi kuchisa chinyingi. Chipwe mukwa mana mamba ngwenyi, Ami ngunanyingika, hindu kechi kuchisa chinyingi.

Izaya 40:28

Te kunwanyingikine? Kunwevwile? Yehova iye Zambi ya mutolo. Mwe Tangi wa masongo a hashi. Keshi kulezumuka hanji kwivwa yikatalo. Yinyingi yenyi niumwe mahasa kuyijimbula

Yoano 3:8

Ye fuji muyipalika kweswe muyipala, ni yena muwivwa liji liayo, alioze kushi kunyingika kuze muyikatuka ni kuze muyiya: chocho apwa mweswe wakusemuka kuli Spiritu.

A-ROMA 11:33

E mana ni yinyingi ya Zambi, chocho yajotoka nikulumbama ngwe upite! Upatwilo wenyi keshi kuhasa kuunyonga weswe! Majila jenyi keshi kuhasa kwafunjika eswe!