Longeshi 10:8 - MUKANDA USANDU WA ZAMBI 1975

⁸ Mukwa kufula wumbu malimbukilamo; kapela masuma mukwa kulokola yishimi.

Mukanda Wa Zambi 1970

⁸ Nyi wafula wumbu, yena mwene muulimbukila mo; nyi wabuzula chipanga, kapela makusuma.

Longeshi 10:8 Iomraidhean Croise

2 Samuel 17:23

Muze Ahitofele yamona ngwe kakawile mana jenyi, yalulika chimbulu chenyi, yakatuka, yaya kwenyi ku chihunda chenyi. Yalulika zuwo lienyi, yalisukika. Chocho yafwa, yamufunda mu chifuka cha tato.

2 Samuel 18:15

Kumi lia akweze akwa kumbata yitwa ya Joabe yajingilika Absalome nikumulamba nikumushiha.

Estere 7:10

Chocho yasukika Hamane ha mutondo iye te halulika hali Mordekai. Mba ufwatulo wa mwanangana yiutula.

Miaso (Masamu) 57:6

Molu jami haateta wanda. Mbunge yami yinafumbama. Hangufulila wumbu kulutwe alioze ene hanaholokelamo. (Litulike.)

Yishima 11:6

Ululi wa akwa ululi muukaapulula; alioze akwa mafwefwe kumakakwachika mu uhenge wo ene.

Yishima 26:27

Mweswe mafula wumbu malimbukilamo mwene; mweswe malangumuna luliwe mulumuhilukila.

Longeshi 10:9

Mukwa kupula mawe malemewa no; mukwa kupula mungowa mawanako Utoji.

Amose 5:19

ngwe kachi mutu machina ndumba mba matakana ni ursu. Hanji manjila mu zuwo mba ha kujamina ni kwoko ha yishimi kapela mamusuma.

Amose 9:3

Chipwe maswamina ha mbulwa mulundu wa Karmela kwenako mungukaafupa ni kwakwata. Chipwe manguswamina mu mashima a kalunga-lwiji mungukatuma kapela mba makaasuma.

Akwa Kuyula 9:5

Yaya ku zuwo lia tato mu Ofra, yashiha ana-akwo ni ayayo ana ja Njerubale, makumi shimbiali a malunga ha liwe limuwika. Kwasalile wika mwe Yotame kasula-songo wa Njerubale. Iye te haswama.