Longeshi 10:14 - MUKANDA USANDU WA ZAMBI 1975

¹⁴ Chihepuke kakwokesa maliji alioze niumwe kananyingika yize yineza. Mba iya manyingika yize muyimukaula?

Mukanda Wa Zambi 1970

¹⁴ Chihepuke kakuhanjika maliji anji. Niumwe Unanyingika yize muyiza kulutwe, niumwe mahasa kutulweza yize muyikeza muze hitwafwa.

Longeshi 10:14 Iomraidhean Croise

Jobe 34:37

Mumu kakuweza uhulia ku mulonga wenyi; kakusakwila koshi hakachi ketu, nikwokesa maliji jenyi a kulimika ni Zambi.

Jobe 35:16

kashika Jo mapakula kanwa lienyi akahanjike maliji amokomoko; kanokesa maliji ni chinyingi chakuhi.

Yishima 10:19

Nyi maliji hoka, Utanguko kuuchi kuhona; alioze mukwa kusúla ku kanwa lienyi kanalingi ni mana.

Yishima 15:2

Limi ha mukwa mana kuliakuhanjika yinyingi kanawa; ahoze kanwa ha chihepuke kuliakulusuka uhepuke.

Longeshi 10:15

Kuhondangana cha chihepuke chakumuhongesa, chocho kanyingikine jila ya kuya ku chihunda.

Longeshi 3:22

Kashika kamwene ngwami, Nichimwe chuma chahiana kupema hali mutu shina akawahe ni yitanga yenyi mumu che chihanda chenyi chenacho. Iya mamuhilwisa nawa akamone chize muchipwa muze te haya?

Longeshi 5:3

Mumu chilota chakwiza ni kukilikita chinji, ni chikuma cha chihepuke chakwiza ni maliji anji.

Longeshi 6:12

Iya manyingika chize chapemena mutu mu mwono wenyi, matangwa eswe a mwono wenyi wamokomoko uze kakupalikisa ngwe Chizulie? Iya mahasa kulweza mutu chize muchipwa kushi lia tangwa muze iye hanayi?

Longeshi 7:14

Wahilila ha tangwa lia kuyuka; Zewula kanawa ha tangwa lia luyinda. Zambi halinga limwe hamuwika ni likwo hanga mutu kechi kasa chinyingi chimwe chuma muchiza kupwa muze iye haya kulu.

Longeshi 8:7

mumu kanyingikine chize muchiza kupwa mba iya mahasa kumulweza ndako yacho?

Longeshi 9:1

Yuma yino yeswe nayisele mu mbunge nikuyihengula yeswe, chize mukwa ululi, ni mukwa mana, ni yitanga yo, yili mu kwoko lia Zambi. Chipwe cha zango, chipwe cha kole, mutu keshi kuchinyingika. Yeswe kumeso jo yapwa yamokomoko,

Ezekiel 35:13

Enu nwalifujile kulimika ni yami ni makanwa jenu. Nwokesele maliji jenu kulimika ni yami, mba ami nachivwile.