Longeshi 10:12 - MUKANDA USANDU WA ZAMBI 1975

¹² Maliji a mu kanwa lia mukwa mana kakumukokela vumbi, alioze mivumbo va chihepuke kuyakumwonwona.

Mukanda Wa Zambi 1970

¹² Atu maalemesa mukwa mana mumu ha yize anahanjika, alioze chihepuke kakulionona ha maliji jenyi mwene.

Longeshi 10:12 Iomraidhean Croise

2 Samuel 1:16

David yamba kuli iye ngwenyi, Manyinga je akapwile ha mutwe wa yena mwene, se kanwa lie hiliakushindakenya ngwe, Hinashiha yoze amuwayishile kuli Yehova.

Jobe 16:5

Ami munguhasa kunutakamisa ni kanwa liami; kulembejeka cha mivumbo yami muchiholesa yikola yenu.

Miaso (Masamu) 140:9

Ha kutwala ku mitwe ya waze akunguseleka, uhuka wa mivumbo yo ukaajike.

Miaso (Masamu) 37:30

Kanwa lia mukwa ululi kuliakuhana mana, limi lienyi kuliakuhanjika chiyulo.

Miaso (Masamu) 64:8

Chocho maalimbwisa, se limi lio ene lialimika no. Mweswe maamona mahunga mutwe wenyi.

Yishima 10:10

Yoze matenya ni liso mamwesa chinyengo, alioze chihepuke mukwa kumbambula kumakalimbuka.

Yishima 10:8

Yoze uli ni mbunge ya mana matambula shimbi, alioze chihepuke mukwa kumbambula kumakalimbuka.

Yishima 12:18

Kwali mukwa kuhanjika kalusulusu ngwe kutuwa cha katana; alioze limi lia mukwa mana kuliakuwuka.

Yishima 15:2

Limi ha mukwa mana kuliakuhanjika yinyingi kanawa; ahoze kanwa ha chihepuke kuliakulusuka uhepuke.

Yishima 15:23

Lunga kakuwahilila ni kumbululo lia kanwa lienyi. Liji lia ha ola ya kulita, kuwahalio.

Yishima 19:5

Chela cha mahuza kechi kasamba; mukwa kuhanjika mahuza kechi kumupulula.

Yishima 22:11

Yoze wazanga kupema cha mbunge, mwanangana mapwa sepa lienyi mumu ha vumbi lia mivumbo yenyi.

Yishima 26:9

Ngwe mbimbo yize muyituwa kwoko lia mukwa kuzengewa, chocho chapwa chishima mu kanwa lia yihepuke.

Yishima 31:26

Kakupakula kanwa lienyi ni mana; shimbi ja utu jili ha limi lienyi.

Longeshi 12:11

Yambo ya akwa mana kuyapwa ngwe misongolwela mba yishima ya kukungulula yapwa ngwe mbambo ja kukolesa. Yeswe yinakatuka kuli Kafunga umuwika.

Longeshi 4:5

Chihepuke masepekenya moko jenyi, malia musunya wenyi mwene.

Longeshi 5:2

Kanda ulipupula ni kanwa. Mbunge ye kanda yilipupula kwamba nichimwe kumeso ja Zambi. Mumu Zambi aye mwilu ali, ni yena uli hashi, kashika maliji je kanda apwa anji.

Longeshi 5:6

Kanda utayiza kanwa lie kuvulumwisa mujimba we. Kanda wamba kumeso ja mungelo ngwe, Napiasukile. Ha chikuma chika Zambi matenuka ni maliji je nikwonwona milimo ya moko je.

Longeshi 9:17

Maliji ja mukwa mana, nyi maapanjika ni kuhola, mahiana kukalumioka cha mukwa kuyula hakachi ka yihepuke.

Mateu 12:35

Mutu mupema ku upite upema wa mbunge masolola yuma yipema: ni chingulungulu ku upite wa ungulungulu wa mbunge masolola yuma ya ungulungulu.

Luka 19:22

Yamba kuli iye ngwenyi, Mu kanwa lia yena mwene mungukupatwila, ndungo mupi. Yena wanyingikine ngwe nguli mutu mukalu, nikwanda chize chatumbikile, nikucha chize chakuwile.

Luka 4:22

Eswe amushindakenyene, nikukomoka ha maliji a vumbi aze atuhukile mu kanwa lienyi; no ambile ngwo, Yono hi mwana José ko, nyi?

Efesu 4:29

Liji lia kupihisa nilimwe kanda lituhuka mu makanwa jenu, alioze lize Unapeme ha kukolesa, nikulita ni chize muchitamba, hanga Ukahane vumbi kuli waze akwivwa.

Kolosu 4:6

Liji lienu likapwe matangwa eswe ni vumbi, lia kulungiwa ni mungwa, hanga nukanyingike chize Chanutamba kukumbulula kuli mutu ni mutu.