Longeshi 1:9 - MUKANDA USANDU WA ZAMBI 1975

⁹ Chize chapwile, muchiza kupwa nawa; chize halinga, meza kuchilinga nawa; chuma chaha kuchishiko kushi lia tangwa.

Mukanda Wa Zambi 1970

⁹ Yuma yize yabwile, muyikabwa nawa. Yize alingile, kumaakayilinga nawa. Hashi heswe kuheshi Chuma chaha nichimwe.

Longeshi 1:9 Iomraidhean Croise

Longeshi 1:10

Chimwe chuma chiliko atu mahasa kuchi-tongola ngwo, Tala chuma chaha? Chapwile kulu ku miakulwila ya kushi.

Longeshi 2:12

Kashika nalumukine kutala mana, ni uzaluke ni uhepuke, mumu yoze makaula mwanangana chika malinga ndo kwimbulula chize hanalingi kulu?

Longeshi 3:15

Chize kuchili te chapwile kulu; ni chize muchiza kupwa hichapwa kulu. Zambi kakufupa cheka nawa chize hichapalika.

Longeshi 6:10

Cheswacho chiliko, hanachiluku jina kulu. Mutu kanamunyingika chize apwa; kahashile kulimika ni yoze wamukumba ni tachi.

Longeshi 7:10

Kanda wamba ngwe, Kuchi te matangwa a kunyima apemene kuhiana matangwa ano? Kwahulile ni mana ha kutwala ku chuma chino.

Izaya 43:19

Ngunalingi yuma yaha, kuyinasoloka, kunwayimwene? Mungupula jila mu puya, mungusa njiji mu kango.

Jeremia 31:22

Ndo mwiji muka mukakashana, ena mwanami wa pwo mukwa mafwefwe? Mumu Yehova hatanga chuma chaha hano hashi. Pwo majingilika lunga.

2 Petulu 2:1

Alioze kwapwile aprofeta a kwonga nawa hakachi ka atu, chizechene ngwe hakachi kenu nawa kumukukapwa alongeshi a kwonga, ku tenga kumakaneha longeso lia kuhandununa lia kwonwona, nikulikala chipwe Mwata yoze waalanjile, ni kuneha hali ayo ene kwonwona cha susumuku.

Usolwelo 21:1

Mba namwene lilu liaha ni hashi haha; mumu lilu litangu ni hashi hatangu hiyinahu; ni kalunga-lwiji keshiho nawa.

Usolwelo 21:5

Ni yoze watwama ha ngunja wambile ngwenyi, Talenu, ngunatange yuma yeswe yaha. Iye yamba kuli yami ngwenyi, Soneka: mumu yino yuma yamwenemwene kuyishi mahuza.