Longeshi 1:3 - MUKANDA USANDU WA ZAMBI 1975

³ Mutu yika akufumbula ku milimo yeswe yize akuhondangana nayo mushi lia tangwa?

Mukanda Wa Zambi 1970

³ Mu mwono we muulinga milimo, muuhondangana kuhiana, alioze yuma yika wakwanda ho?

Longeshi 1:3 Iomraidhean Croise

Longeshi 2:11

Mba natalile ha milimo yami yeswe yize moko jami halinga, ni ha kuhondangana chami cheswe, kumanyi cheswe chapwile chamokomoko ngwe kuhanga ye fuji. Nichimwe chuma cha kufumbuka kuchishiko kushi lia tangwa.

Longeshi 2:18

Mba milimo yeswe nahondanganyine kushi lia tangwa yangupihilile se munguyihichika kuli mutu yoze mangukaula.

Longeshi 2:19

Iya kananyingika nyi mapwa mukwa mana nyi chihepuke? Hindu makayula milimo yami yeswe yize nahondanganyine nikusolola mana jami kushi lia tangwa. Chino nawa chapwa chamokomoko.

Longeshi 2:22

Mutu chika mafumbuka ku kuhondangana chenyi cheswe, ni kulifwita cha mbunge yenyi chize ahondanganyine nacho kushi lia tangwa?

Longeshi 3:9

Mukwa kuhondangana kufumbuka chika ali nacho ku kuhondangana chenyi?

Longeshi 4:3

Ewa nalemesene yoze kanda apwa kuhiana wano eswe ni aali mumu kanda achimona yitanga yipi yize akulinga kushi lia tangwa.

Longeshi 4:7

Henaho yinguhiluka yingumona mushi lia tangwa yeswe yamokomoko.

Longeshi 5:16

Chino nawa chipi chikolo; mu yuma yeswe maya chizechene ngwe wejile mba kufumbuka chika ali nacho ha kuhondanganyina ye fuji yamokomoko?

Longeshi 5:18

Chize namona kupema ni kuwaha ngwami, Mutu akalie, akanwe, akawahe ni yipema ya kuhondangana chenyi cheswe chize anahondangana nacho kushi lia tangwa matangwa eswe a mwono uze Zambi hamwaha. Chihanda chenyi chenacho.

Longeshi 6:12

Iya manyingika chize chapemena mutu mu mwono wenyi, matangwa eswe a mwono wenyi wamokomoko uze kakupalikisa ngwe Chizulie? Iya mahasa kulweza mutu chize muchipwa kushi lia tangwa muze iye hanayi?

Longeshi 7:11

Mana kanapeme ngwe chihinga; pundu ahiana kupema kuli waze anamono mwalwa.

Longeshi 9:13

Hinamona nawa chilweza chino cha mana kushi lia tangwa, mba kuli yami chapwile chinene.

Longeshi 9:3

Chino chapwa chuma chipi mu yitanga yeswe kushi iia tangwa—songo limuwika liakwawana eswe. Chikwo nawa mbunge ja atu jazala tò ni yipi; uzaluke watwama mu mbunge jo shimbu mapwa ni mwono, mba kulutwe lia chino kakuya ku ufwe.

Longeshi 9:6

Ni zango lio, ni kole yo, ni chipululu cho, yeswe hiyajimuka, mba ndo ku miaka ya mutolo o keshi ni chihanda nichimwe cha yuma yize akulingalinga kushi lia tangwa.

Izaya 55:2

Kuchi te wakumwanga mbongo je ha chize hi mbolo ko? Kuchi te wakutokesa milimo ye ha chize kuchayukishile mbunge? Panjika kanawa kuli yami, ukalie yuma yipema, ukawahilile ni maji.

Habakuke 2:13

Yehova-wa-Tujita hanachifunjika, minyachi ahondangane ha kahia wika ni mavungu alikatalise mokomoko.

Habakuke 2:18

Hamba kuchi mahasa kukwasa muze tangi yenyi hamweseka, se aye kaponya wa kuzuzulula; longeshi wa mahuza? Mumu chilangaji kanafuliela chuma cha kutanga iye mwene, muze malinga tumama twa mahamba.

Mateu 16:26

Mumu kuchi mutu mafumbuka kachi malipichisa hashi heswe, alioze matokesa mwono wenyi? Hanji kuchi mutu mahana cha kusumbakenya mwono wenyi?

Yoano 6:27

Kanda nukalinga milimo ha kulia chize cha kutoka, alioze nukalinge milimo ha kulia chize chili ni mwono wa mutolo, chenacho mwe Mwana Mutu makanwaha: mumu iye, Zambi mwe Tata hanamujiki ni Chijikilo.

1 Korintu 16:16

hanga yenu nawa nukazeyele kuli atu ngwe wano, ni kuli eswe akukwasa mu milimo, akukilikita.