Longeshi 1:2 - MUKANDA USANDU WA ZAMBI 1975

² Chamokomoko pundu pundu! Chilumbununyi ngwenyi, Chamokomoko pundu pundu, yeswe yapwa yamokomoko!

Mukanda Wa Zambi 1970

² Longeshi ngwenyi: Mwono uli wamokomoko, wamokomoko. Uli wamokomoko, yeswe yili yamokomoko.

Longeshi 1:2 Iomraidhean Croise

Jobe 11:12

Alioze chelo malilongesa mana, chipwe mutu kakusemuka ngwe mwana wa chimbulu wa mu yambu.

Miaso (Masamu) 144:4

Mutu wapwa ngwe mwiku. Matangwa jenyi kapwa ngwe Chizulie chize muchipalika.

Miaso (Masamu) 89:47

Iwuluka kama kuhiha cha mwono wami. Watangile ana eswe a atu amokomoko chize!

Longeshi 11:10

Chize kulifwita ku manyonga je; huma yikola ku mujimba we; mu ukweze ni kuvumbuka cha mwono yeswe yapwa yamokomoko.

Longeshi 11:8

Mumu nyi mutu matwama ni mwono miaka yinji awahilile mu yeswe; alioze ewuluke nawa, matangwa a milima anji. Yize yeswe yineza yamokomoko.

Longeshi 12:8

Chamokomoko pundu pundu! Chilumbununyi kanambe ngwenyi, Yeswe yapwa yamokomoko!

Longeshi 2:11

Mba natalile ha milimo yami yeswe yize moko jami halinga, ni ha kuhondangana chami cheswe, kumanyi cheswe chapwile chamokomoko ngwe kuhanga ye fuji. Nichimwe chuma cha kufumbuka kuchishiko kushi lia tangwa.

Longeshi 2:15

Mba nambile mu mbunge yami ngwami, Chize chakuwana chihepuke muchinguwana yami, kashika mana jami kuchi apwa? Kashika nambile mu mbunge yami ngwami, Chino nawa chapwa chamokomoko.

Longeshi 2:17

Chocho mwono wangupihilile mumu milimo yeswe akulinga kushi lia tangwa kuli yami yapwa ya kulifwita nayo wika, se yeswe yapwa yamokomoko ngwe kuhanga ye fuji.

Longeshi 2:19

Iya kananyingika nyi mapwa mukwa mana nyi chihepuke? Hindu makayula milimo yami yeswe yize nahondanganyine nikusolola mana jami kushi lia tangwa. Chino nawa chapwa chamokomoko.

Longeshi 2:21

Mumu kwali umwe mahondangana ni mana, ni yinyingi, ni utotombo hindu mahichika yuma yenyi yikapwe chihinga cha umwe yoze kahondanganyineko. Chino nawa chamokomoko ni chipi chikolo.

Longeshi 2:23

Matangwa jenyi eswe kapwa chinyengo wika; ni kuhondangana chenyi chapwa kulifwita. Chipwe ha ufuku mbunge yenyi kuyahwimine. Chino nawa chapwa chamokomoko.

Longeshi 2:26

Mumu kuli yoze wamuwahila Zambi mahana mana, ni yinyingi, ni uwahililo; alioze kuli chivulumunyi mahana milimo, akahondangane akalumbike yuma ya kuhana kuli yoze wapemena Zambi. Chino nawa chapwa chamokomoko ngwe kuhanga ye fuji.

Longeshi 2:8

Napichile nawa prata ni oru, ni upite uze wapwa wa mianangana ni wa ku yifuchi. Nanehene njimba ja malunga ni a mapwo, ni mapwo anji chikolo aze akuwahisa mbunge ya lunga.

Longeshi 3:19

Mumu chize chakuwana ana ja atu chakuwana tushitu nawa; chuma chimuwika chakwawana. Chize umwe kakufwa ni mukwo chocho kakufwa. Eswe kali ni mwiku umuwika ni mutu kakumbile kashitu se yeswe yapwa yamokomoko.

Longeshi 4:16

Atu aze maayula anji, kechi kahwa ha kwaalula; hindu waze mamukaula kechi kuwahilila muli iye. Achi cheswe chamokomoko wate, ngwe kuhanga ye fuji.

Longeshi 4:4

Namwene kuhondangana cheswe ni utotombo weswe ni ha chino mutu kakumuvwila ukwa kuli akwo. Chino nawa chapwa chamokomoko ngwe kuhanga ye fuji.

Longeshi 4:8

Kwali umwe wa ukawenyi keshi ni mukwo. Keshi mwana, keshi yayo hindu kuhondangana chenyi cheswe kuchishi kuhwa, ni meso jenyi keshi kuyuka ni upite. Ngwenyi, Iya ngunahondanganyina nikuhonesa mbunge yami yuma yipema? Chino nawa chamokomoko; kukilikita cha yikatalo.

Longeshi 5:10

Yoze unase mbunge ku prata kechi kuyuka ni prata; yoze unase mbunge yenyi ku kwoka cha upite kechi kuyuka ni kulumbama. Chino nawa chapwa chamokomoko.

Longeshi 6:11

Se yuma yinji yiliko ya kufujisa wika, mutu kuchi mafumbuka nayo?

A-ROMA 8:20

Mumu azeyesele hashi ku yikatalo yamokomoko, hi ni upale waho hene ko, alioze mumu hali yoze wazeyeseleho ha kutalatala,