Longeshi 1:17 - MUKANDA USANDU WA ZAMBI 1975

¹⁷ Kashika nasele mbunge yami kunyingika mana ni kunyingika uzaluke ni uhepuke nawa. Alioze namwene pundu chino nawa chapwa ngwe kuhanga ye fuji.

Mukanda Wa Zambi 1970

¹⁷ Hingunabatula kulilongesa chize chibwa chinyingi ni uhepuke, mana ni uzaluke. Alioze yingumona ngwe fuji ngunahange.

Longeshi 1:17 Iomraidhean Croise

Miaso (Masamu) 73:16

Muze nanyongene kunyingika chuma chino chapwile kukatala kumeso jami.

Longeshi 12:8

Chamokomoko pundu pundu! Chilumbununyi kanambe ngwenyi, Yeswe yapwa yamokomoko!

Longeshi 2:17

Chocho mwono wangupihilile mumu milimo yeswe akulinga kushi lia tangwa kuli yami yapwa ya kulifwita nayo wika, se yeswe yapwa yamokomoko ngwe kuhanga ye fuji.

Longeshi 2:3

Nafupile mu mbunge yami chize munguhasa kuliwahisa ku musunya ni vinyu; mbunge yami te yinangusongwela ni mana, chize mungukwata ku uhepuke, ndo mungusa chinyingi chize chinapemena ana ja atu, hanga akachilinge kushi lia malilu matangwa eswe a mwono wo.

Longeshi 3:19

Mumu chize chakuwana ana ja atu chakuwana tushitu nawa; chuma chimuwika chakwawana. Chize umwe kakufwa ni mukwo chocho kakufwa. Eswe kali ni mwiku umuwika ni mutu kakumbile kashitu se yeswe yapwa yamokomoko.

Longeshi 4:4

Namwene kuhondangana cheswe ni utotombo weswe ni ha chino mutu kakumuvwila ukwa kuli akwo. Chino nawa chapwa chamokomoko ngwe kuhanga ye fuji.

Longeshi 4:6

Kwoko limuwika lia kuhwima hapwa, moko aali a kuhondangana ni kuhanga ye fuji, kunyima.

Longeshi 6:9

Kuzangazanga naye kuchayukishile; Shinaho kumona ni meso. Chino nawa chapwa chamokomoko ngwe kuhanga ye fuji.

Longeshi 8:16

Muze nasele mbunge yami kunyingika mana, ni kumona yitanga yize analingi hashi (chize atu keshi kumona tulo chipwe ha mwalwa chipwe ha ufuku;)

Longeshi 9:3

Chino chapwa chuma chipi mu yitanga yeswe kushi iia tangwa—songo limuwika liakwawana eswe. Chikwo nawa mbunge ja atu jazala tò ni yipi; uzaluke watwama mu mbunge jo shimbu mapwa ni mwono, mba kulutwe lia chino kakuya ku ufwe.

1 Tesalonika 5:21

alioze esekenu yuma yeswe; kakaminyenu ku yize yinapeme.