Longeshi 1:13 - MUKANDA USANDU WA ZAMBI 1975

¹³ mba nasele mbunge yami kufupa ni kupolongoza ni mana yuma yeswe akulinga mushi lia malilu. Chize Zambi hakunjika kuli ana ja atu kuhondangana nacho, kumanyi chuma cha chinyengo wika.

Mukanda Wa Zambi 1970

¹³ Yingubatula ngwami, munguhengula ni kulilongesa yuma yeswe yize atu akulinga hano hashi. Yetu akwa hashi Zambi kakutumwesa lamba linji.

Longeshi 1:13 Iomraidhean Croise

Ubutukilo 3:19

Mukalia ni matukuta a ku meso je ndo mukahiluka mu mavu se kuze kwene akuchijile. Mumu uli fufuta mba ku fufuta mukahilukila.

Jobe 28:3

Atu kakukumba milima, kakuhengula mawe a utale mu milima pwi ndo ku njiza ya kusula.

Miaso (Masamu) 111:2

Yitanga ya Yehova yinene; kakuyifupa kuli waze eswe akuwahililamo.

Yishima 18:1

Yoze malihandununa kanafupu upale wenyi mwene; kakulitachika ni mana eswe angunu.

Yishima 18:15

Mbunge ya chikanyame kuyakuzuka yinyingi; twitwi lia mukwa mana kuliakufupa yinyingi.

Yishima 23:26

Mwanami ngwehe mbunge ye; meso je akawahilile mu majila jami.

Yishima 25:2

Kuli Zambi chapwe ulemu kufuka chuma, alioze kuli mianangana chapwa ulemu kuhengula chikuma.

Yishima 4:7

Che chuma chahiana, mana. Kashika kwata mana, ewa helu lia yuma yeswe mukwata, kwata malinjekela.

Longeshi 1:17

Kashika nasele mbunge yami kunyingika mana ni kunyingika uzaluke ni uhepuke nawa. Alioze namwene pundu chino nawa chapwa ngwe kuhanga ye fuji.

Longeshi 11:5

Kwanyingikine jila ya ye fuji, chipwe mwana chize akutatuka mu jimo lia kafumba, chocho kwanyingikine milimo ya Zambi mukwa kulinga yuma yeswe.

Longeshi 12:12

Mwanami kanyama ni yuma yeswe yahiana yino. Kulinga mikanda kuchishi kuhwa; kulilongesa chinji kuchakukatalisa mujimba.

Longeshi 2:23

Matangwa jenyi eswe kapwa chinyengo wika; ni kuhondangana chenyi chapwa kulifwita. Chipwe ha ufuku mbunge yenyi kuyahwimine. Chino nawa chapwa chamokomoko.

Longeshi 2:26

Mumu kuli yoze wamuwahila Zambi mahana mana, ni yinyingi, ni uwahililo; alioze kuli chivulumunyi mahana milimo, akahondangane akalumbike yuma ya kuhana kuli yoze wapemena Zambi. Chino nawa chapwa chamokomoko ngwe kuhanga ye fuji.

Longeshi 3:10

Hinamona milimo yize Zambi hanayikunjika kuli ana ja atu akalindangane nayo.

Longeshi 3:11

Aye hanalingi chuma cheswe chipema ha tangwa liacho; chikwo nawa hanase ye miaka yeswe mu mbunge jo chocho mutu kahashile kusa chinyingi milimo yize Zambi hanalingi chize ku uputukilo ndo ku songo.

Longeshi 4:4

Namwene kuhondangana cheswe ni utotombo weswe ni ha chino mutu kakumuvwila ukwa kuli akwo. Chino nawa chapwa chamokomoko ngwe kuhanga ye fuji.

Longeshi 4:8

Kwali umwe wa ukawenyi keshi ni mukwo. Keshi mwana, keshi yayo hindu kuhondangana chenyi cheswe kuchishi kuhwa, ni meso jenyi keshi kuyuka ni upite. Ngwenyi, Iya ngunahondanganyina nikuhonesa mbunge yami yuma yipema? Chino nawa chamokomoko; kukilikita cha yikatalo.

Longeshi 7:25

Nalumukine ni kusela mbunge yami kunyingika ni kulungula ni kufupa mana ni ulumbunwiso wa yuma; ngukanyingike ngwami ungulungulu wapwa uhepuke ni uhepuke wapwa uzaluke;

Longeshi 8:9

Yuma yino yeswe hinamona; hinasa mbunge yami kunyingika yitanga yeswe akuyilinga kushi lia tangwa. Mwaka kuuli muze umwe mutu mapwa ni chiyulo helu lia mukwo kumupinjisa.

1 Timoteu 4:15

Pukuna yino yuma; litumbikileko liakulu hanga kusenya che kulutwe chikasoloke kuli eswe.