Kwalula 9:18 - MUKANDA USANDU WA ZAMBI 1975

¹⁸ Ku liji lia shimbi ya Yehova A-Izalele endele; ku liji lia shimbi ya Yehova asele chilombo cho. Shimbu lieswe lie lelwa liatwamine ha tabernakulu o atwamine mu chilombo.

Mukanda Wa Zambi 1970

¹⁸ Atu te kaakukatuka ha musumba nikuujika nawa nikulita ni liji lia Mwene Zambi. Shimbu heswe lize te lelwa liakumana ha zuwo lia Zambi, no te kakutwama ha musumba uzewene.

Kwalula 9:18 Iomraidhean Croise

Kutuhuka 17:1

Chikungulwila cheswe cha A-Izalele ayile wenyi wo, chize ku puya ya Shini, chilombo ha chilombo nikulita ni liji lia shimbi ya Yehova, ndo yatunga chilombo cho ku Refwindimi. Kukwapwileko meya a kunwa niamwe.

Kwalula 10:13

Endele chisuho chitangu nikulita ni shimbi ya Yehova mu kanwa lia Mose.

Kwalula 9:16

Chocho chapwile matangwa eswe. Lie lelwa liafukile tabernakulu ha mwalwa. Kulitala ha ufuku, ngwe kahia.

Kwalula 9:19

Muze lelwa liashimbwile matangwa anji ha tabernakulu mba A-Izalele afungile ulayilo wa Yehova, kendele.

Kwalula 9:20

Nyi hanji lie lelwa liapwile ha tabernakulu matangwa akehe, mba nikulita ni liji lia shimbi ya Yehova atwamine mu chilombo cho. Mba nikulita ni liji lia shimbi ya Yehova endele.

1 Korintu 10:1

Mumu ngunazange yenu, mandumbu, nunyingike ngwe tulamba twetu eswe apwile kushi lia lelwa, eswe apalikile ndusu mu kalunga-lwiji;

2 Yoano 1:6

Lino lie zango, ngwetu, Tukende nikulita ni shimbi jenyi. Yino ye shimbi ngwe nwevwile chize ku uputukilo, hanga nukende nayo.