Kwalula 9:10 - MUKANDA USANDU WA ZAMBI 1975

¹⁰ Amba kuli A-Izalele ngwe, Nyi mutu umwe wa yenu, hanji wa ku yisemuko yenu, malichisa ni mujimba wa mufu, hanji mapwa kusuku mu wenyi, chipwe chocho iye akafunge Chizomboka cha Yehova.

Mukanda Wa Zambi 1970

¹⁰ ha kulweza Aisraele ngwenyi: “Nyi umwe wa kuli yenu hanji akwa vungu lienu halichisa ha kukwata ku mujimba wa mufu hanji habwa kusuku mu wenyi, alioze nyi mazanga kulinga chiwanyino cha Kubalika,

Kwalula 9:10 Iomraidhean Croise

2 Sango Ja Mianangana 30:13

Atu anji yakungulukila ku Yerusaleme akalie chiwanyino cha mbolo kuyishi futunwiso ha kakweji wamuchiali; mbunga yinene chikolo.

2 Sango Ja Mianangana 30:18

Mumu mbunga yinene ya atu, anji a kuli A-Eframe, ni A-Manase, ni A-Isaka, ni A-Zapulone kalipemesene, hindu alile, alioze kalile nikulita ni yisoneko. Mumu Hezekia hanaalembela ngwenyi, Yehova mupema aakonekene eswe

2 Sango Ja Mianangana 30:2

Mumu mwanangana te hakwata chiyulo ni alemu jenyi ni chikungulwila cheswe mu Yerusaleme akalie Chizomboka ha kakweji wamuchiali.

Kwalula 9:11

Ha kakweji wamuchiali, ha tangwa kumi ni liamuchiwana, ha chingoloshi, o akachifunge. Akachilie hamwe ni mbolo kuyishi futunwiso ni yilimalima yisasu.

Kwalula 9:9

Yehova yamba kuli Mose ngwenyi,

Mateu 5:24

Hichikako chawana che ku chilumbilo, Uliange kuya ukawane ni mukwenu, mba ukeze, ukalambule chawana che.

Yoano 11:55

Alioze Chizomboka cha A-Yunda chakundamine: ni anji a ku chifuchi chize akandukile ku Yerusaleme muze te Chizomboka kanda chipwa, hanga akalipemese.

1 Korintu 11:28

Alioze mutu akalieseke, chocho akalie mbolo, akanwe musenge.