Kwalula 8:19 - MUKANDA USANDU WA ZAMBI 1975

¹⁹ Mumu hingunahana A-Levi chawana kuli Arone ni kuli ana jenyi a malunga hakachi ka A-Izalele, mukulingila mu mbalaka ya chikungulwila uvumbiko wa A-Izalele, mukufukila A-Izalele shili yo, hanga kukuchi kapwa chilungo mukachi ka A-Izalele, muze A-Izalele makundama kuma kusandu.

Mukanda Wa Zambi 1970

¹⁹ ni kwahana kuli Arone ni ana jenyi a malunga, chawana chize Aisraele haahana ha kulinga milimo mu zuwo liami, ni ha kufunga Aisraele ku lamba lize Zambi maamwesa nyi maakundama muma mwa chijila.”

Kwalula 8:19 Iomraidhean Croise

Kutuhuka 12:50

Chocho chialingile A-Izalele eswe ngwe Yehova hatuma Mose ni Arone, chocho alingile.

Kwalula 1:50

Alioze Ukasele A-Levi akafunge tabernakulu ya Shindakenyo, akafunge yikashi yayo yeswe, akafunge yuma yeswe yilimo; o akambate ye tabernakulu ni yikashi yayo yeswe. Akayilingile. Akajikile mbalaka jo kwa kujingilika ye tabernakulu.

Kwalula 1:53

A-Levi akajikile mbalaka jo kwa kujingilika ye tabernakulu ya Shindakenyo, hanga kukuchi kapwa ufwatulo ha chikungulwila cha A-Izalele. A-Levi akalayile ye tabernakulu ya Shindakenyo.

Kwalula 16:46

Mose yamba kuli Arone ngwenyi, Anda chikwachilo che, usemo kahia ka ku chilumbilo, useho insensu, uchitwale washi ku chikungulwila, uafukile shili yo; mumu utenu unatuhuka kuli Yehova, chilungo kuchinaputuka.

Kwalula 8:18

Hingunatambula A-Levi mukusalakana tupula-majimo eswe hakachi ka A-Izalele.

Kwalula 8:20

Chocho alingile Mose ni Arone ni chikungulwila cheswe cha A-Izalele kuli A-Levi; nikulita ni yeswe Yehova ambile Mose ha kutwala kuli A-Levi, chocho alingile A-Izalele kuli ayo.

1 Samuel 6:19

Yalamba amwe a kuli A-Mbete-Shemeshe mumu atalile muchima lia mushete wa Yehova. Yalamba hakachi ko makumi atano a tununu ni makumi shimbiali. Mba atu alinyengene mumu Yehova halamba atu ni kufwa chinene.