Kwalula 7:13 - MUKANDA USANDU WA ZAMBI 1975

¹³ Mulambu wenyi wapwile panda limuwika lia prata, pezu yalio ya kulakaji lia shekele ni makumi atatu a shekele; mbasia yimuwika ya prata ya makumi shimbiali a shekele nikulita ni shekele ya muma musandu. Yeswe ni yiali ya tò ya wunga wafufunuka, wa kuchinga ni maji, ukapwe mulambu wa wunga.

Kwalula 7:13 Iomraidhean Croise

1 Yitanga Ya Mianangana 7:43

ni kumi lia yimanyino ni kumi Ha yimbasia ha yimanyino;

1 Yitanga Ya Mianangana 7:45

Ndeho, ni mapá, ni mbasia, yuma yino yeswe ya mu zuwo lia Yehova, Hirame yayilingila mwanangana Solomone, yapwile ya unengu wa kuhenya.

Ezra 8:25

Napezalishile kuli ayo prata ni oru ni yikwachilo, milambu ha zuwo lia Zambi yetu yize mwanangana, ni tuliamanga, ni alemu jenyi, ni A-Izalele eswe apwileko ahanyine.

Kutuhuka 25:29

Ukafule yenga yayo, ni misenge yayo, ni ndeho jayo, ni mitondo yayo ya kutehwina. Ukayifule ya oru ya kusayisa.

Kutuhuka 30:13

Eswe mapalika kuli waze hanaalula mutu mweswe akahane chino ngwo, Chihanda cha hakachi cha shekele nikulita ni shekele ya muma musandu (ye shekele kuyafwika makumi aali a ngera). Chihanda cha hakachi cha shekele chikapwe mulambu kuli Yehova.

Kutuhuka 37:16

Yafula yikashi ya ha mesa ya oru ya kusayisa, yenga yayo, ni misenge yayo, ni ndeho jayo, ni mitondo yayo ya kutehwina.

Jeremia 52:19

Yambata nawa misenge, ni yikombelo, ni mbasia, ni ndeho, ni yikwachilo ya ndeya, ni yenga ya insensu, ni misenge ya milambu ya kunwa. Yize yeswe yapwile ya oru kapitau ka tulayi yambata ngwe oru, ni yize yapwile ya prata yambata ngwe prata.

Daniel 5:2

Ha kunwa ye vinyu Beleshazare yatuma kuneha yikwachilo ya oru ni prata, yize tato Nabukanezore hachiza ku tembele mu Yerusaleme hanga mwanangana ni alemu jenyi, ni mapwo jenyi, ni *akonkubina jenyi, anwinemo.

Alevi 2:1

Mba muze umwe makalambula mulambu wa wunga kuli Yehova, mulambu wenyi ukapwe wa wunga wafufunuka. Akaseho maji ni libano.

Alevi 27:25

Ndando yeswe munusa muyipwa nikulita ni shekele ya muma musandu. Makumi aali a ngera muyifwika shekele yimuwika.

Alevi 27:3

ndando yize munusela hali lunga chize ku makumi aali a miaka ndo ku makumi asambano a miaka, muyipwa makumi atano a shekele ja prata nikulita ni shekele ya muma musandu.

Zakaria 14:20

Ha tangwa lize makola ha ngizo ja tuvwalu ngwo, Asandu kuli Yehova. Ni ndeho ja mu zuwo lia Yehova mujikapwa ngwe misenge ya kulutwe lia chilumbilo.

Kwalula 15:4

mba mukwa kulambula mulambu wenyi akalambule kuli Yehova mulambu wa wunga wa chihanda chimuwika cha ku kumi lia yihanda ya efa, wunga wafufunuka, wa kuchinga ni maji a chihanda chimuwika cha ku yihanda yiwana ya hine.

Kwalula 28:5

ni chihanda chimuwika cha ku kumi lia yihanda ya efa ya wunga wafufunuka chikapwe mulambu wa wunga, wa kuchinga ni chihanda chimuwika cha ku yihanda yiwana ya hine ya maji a kusohola.

Kwalula 29:6

Kuweza ku mulambu wa kulumba wa ha kakweji mwaha, ni mulambu wawo wa wunga, ni mulambu wa kulumba wa matangwa eswe, ni mulambu wawo wa wunga, ni milambu yayo ya kunwa, nikulita ni chiyulo chayo, yikapwe lupembo mupema, mulambu wa kahia kuli Yehova.

Kwalula 3:47

mutu mweswe anjile shekele jitano, nikulita ni shekele ya muma musandu. Shekele yimuwika yafwika makumi aali a ngera.

Kwalula 7:12

Yoze walambwile mulambu wenyi ha tangwa litangu yono: Nasone, mwana wa Aminandambe, wa ku munyachi wa Yunda.

Kwalula 7:14

Musenge umuwika wa oru wa kumi lia shekele, wa tò wa insensu.

Kwalula 7:73

Mulambu wenyi wapwile panda limuwika lia prata, pezu yalio ya kulakaji lia shekele ni makumi atatu a shekele; mbasia yimuwika ya prata ya makumi shimbiali a shekele nikulita ni shekele ya muma musandu. Yeswe ni yiali ya tò ya wunga wafufunuka, wa kuchinga ni maji, ukapwe mulambu wa wunga.

Mateu 14:11

Anehene mutwe wenyi ha panda, auhanyine kuli mwana-pwo, neye waunehene kuli naye.

Mateu 14:8

Se hamulongesa kuli naye, yamba ngwenyi, Ngwehe kuno ha panda mutwe wa Yoano Chipapachisa.