Kwalula 7:10 - MUKANDA USANDU WA ZAMBI 1975

¹⁰ E miata yalambula milambu ya kutumbikila nayo chilumbilo ha tangwa muze achiwayishile ni maji. Kwe kulutwe lia chilumbilo e miata yalambwila milambu yo.

Mukanda Wa Zambi 1970

¹⁰ Miata yaaneha nawa milambu ya kukunjika nayo chilumbilo kuli Mwene Zambi. Muze te haalulika kukunjika yawana yo ha chilumbilo,

Kwalula 7:10 Iomraidhean Croise

1 Yitanga Ya Mianangana 8:63

Solomone yalambula ha milambu ya sambukila yize yalambula kuli Yehova makumi aali a tununu ni tununu aali a ngombe, ni kulakaji lia tununu ni makumi aali a tununu a mapanga. Chocho mwanangana ni A-Izalele eswe yasela ku usandu zuwo lia Yehova.

2 Sango Ja Mianangana 7:5

Mwanangana Solomone yalambula yitapo, makumi aali a tununu ni tununu aali a ngombe, ni kulakaji lia tununu ni makumi aali a tununu a mapanga. Chocho mwanangana ni atu eswe aselele ku usandu lie zuwo lia Zambi.

2 Sango Ja Mianangana 7:9

Ha tangwa liamuchinake yasanyika chikungulwila chilemu; mumu afungile kusela ku usandu cha chilumbilo matangwa shimbiali ni chiwanyino matangwa shimbiali.

Nehemia 12:27

Ha kusela ku lisandu chipanga-cha-mawe cha Yerusaleme afupile A-Levi kweswako atwamine nikwaneha ku Yerusaleme akachisele ku usandu ni kulikwiza ni kusakwila, ni kwimba nawa ni sembalu, ni yisaji ya kusa, ni tulialia.

Nehemia 12:43

Yalambula milambu yinene tangwa lize nikulikwiza; mumu Zambi waahele kulikwiza cha uwahililo unene. Ni mapwo ni ana nawa yalikwiza; chocho uwahililo wa Yerusaleme yawivwa chipwe kusuku.

Miaso (Masamu) 30:1

Mungukwalakana, yena Yehova, mumu hiwanguzundula; kwatayijile akwa kole jami kunguseha.

Kwalula 7:1

Ha tangwa lize Mose te hamana kumika tabernakulu, hayiwayisa ni maji, hayisela ku usandu hamwe ni yikashi yeswe yayo, ni chilumbilo hamwe ni yikashi yeswe yacho hayiwayisa ni maji, hayisela ku usandu,

Kwalula 7:11

Yehova yamba kuli Mose ngwenyi, O akalambule milambu yo, mwata mweswe ha tangwa lienyi. Akatumbikile nayo chilumbilo.

Kwalula 7:84

Yenayo yapwile milambu ya miata a A-Izalele ya kutumbikila nayo chilumbilo ha tangwa achiwayishile ni maji: kumi lia panda ni panda jiali ja prata, ni kumi lia mbasia ni mbasia jiali ja prata, ni kumi lia misenge ni misenge yiali ya oru.

Kwalula 7:88

Yimuna eswe a yitapo ya milambu ya sambukila, te kuji a ngombe makumi aali ni awana. E kuji a mapanga makumi asambano. E kuji a pembe makumi asambano, ni e kuji a mapanga a mwaka umuwika makumi asambano. Yoyo yapwile milambu ya kutumbikila nayo chilumbilo muze te hachiwayisa ni maji.

Shimbi 20:5

Yilolo ahanjike ni atu ngwo, Lunga muka uliko hatunga zuwo liaha, kanda achilitumbikila? Ahiluke ku zuwo lienyi, kuchina mafwa ku jita, mba mutu weka malitumbikila.