Kwalula 6:26 - MUKANDA USANDU WA ZAMBI 1975

²⁶ Yehova akanuhetwile meso jenyi, aka-nuhwimise.

Mukanda Wa Zambi 1970

²⁶ Mwene Zambi akutale, akuhwimise mbunge.

Kwalula 6:26 Iomraidhean Croise

Miaso (Masamu) 29:11

Yehova mahana tachi kuli atu jenyi. Yehova mawahisa atu jenyi ni sambukila. Samu lia David, mwaso awimbile ha kusela ku usandu lie zuwo.

Miaso (Masamu) 37:37

Usele chinyingi hali mutu mungunu; tala mwe mukwa kululama, mumu songo lienyi mulipwa sambukila.

Miaso (Masamu) 4:6

Anji kakwamba ngwo, Iya matulweza chuma chipema? Yehova, hetula pangu lia meso je hali yetu.

Miaso (Masamu) 42:5

Mbunge yami, yika unahongela? Kuchi te unapinji muli yami? Talatala kuli Zambi, mumu mungwiza kumuhalisa ha kungukwasa kumeso jenyi.

Miaso (Masamu) 44:3

Kuchapwile ngwe ku katana ko azukile chifuchi. Hi kwoko lio ko Kaahele kukumba. Alioze chikambakamba che cha chindume, ni kwoko lie, hamwe ni pangu lia meso je, mumu wawahililile no.

Miaso (Masamu) 89:15

Kawaha atu aze ananyingika liji lia kuwaha. Kakwenda mu pangu lia meso ja yena Yehova.

Izaya 26:12

Yehova, kumukatupalila uhwimino, hiwatulingila yitanga yetu yeswe.

Izaya 26:3

Yoze majikijisa manyonga jenyi hali yena, mumufunga mu uhwimino wika, mumu kanakufuliela.

Izaya 57:19

Yehova kanambe ngwenyi, Uhwimino, uhwimino kuli waze ali kusuku ni waze ali hakamwihi. Mungumuwuka.

Mika 5:5

Mba yono makapwa sambukila, muze A-Asuria makanjila mu chifuchi chetu nikuliata ha mavu jetu, se yetu mutukasolola kulimika nenyi tufunga shimbiali ni alemu ja atu nake.

Luka 2:14

Uhenya kuli Zambi mwilu mwahiana, Hano hashi sambukila hakachi ka atu akumuwahila.

Yoano 14:27

Sambukila ngunahichika ni yenu; sambukila ya yami ngunanweheyo, hi ngwe akwa hashi akuhana ko, yami ngunanwehe. Mbunge jenu kanda jilipikala, chipwe kanda jivwa mwongo.

Yoano 16:33

Yino yuma hinahanjika kuli yenu, hanga muli yami nukapwe ni sambukila. Hano hashi munukapwa ni luyinda: alioze hamukenu chikolo; hingunakumbu hashi.

Yoano 20:21

Yesu kashika wambile kuli ayo cheka nawa ngwenyi, Sambukila kuli yenu: chizechene ngwe Tata hanangutumu, chocho ni yami nawa ngunanutumu.

Yoano 20:26

Kulutwe lia matangwa nake, tumbaji twenyi apwile cheka nawa muchima lia zuwo, ni Tomase hamwe no, mapito te a kwajila. Yesu yeza, yamana mukachi ko, yamba ngwenyi, Sambukila kuli yenu.

Yilinga 10:36

Liji lize watumine kuli ana a Izalele, nikwambujola sambukila muli Yesu Kristu; (iye Mwene wa eswe),

Yilinga 2:28

Yena hiunangunyingikisa majila ja mwono; mukanguzalisa ni chiseke kumeso je.

A-ROMA 15:13

Zambi ya kutalatala akanuzalise ni uwahililo weswe ni sambukila yeswe ha kufuliela, hanga nukalumbame mu kutalatala ku tachi ja Spiritu Musandu.

A-ROMA 15:33

Zambi ya sambukila akapwe hamwe ni yenu eswe.

A-ROMA 5:1

Kashika, se ku Ufulielo hanatusambisa, sambukila tuli nayo ni Zambi kuli Mwene wetu Yesu Kristu;

Efesu 6:23

Sambukila yikapwe kuli mandumbu, ni zango hamwe ni Ufulielo, ya kuli Zambi Tata, ni ya kuli Mwene Yesu Kristu.

Filipu 4:7

Ni sambukila ya Zambi, yize yakuhiana kunyonga cheswe, muyikafunga mbunge jenu ni kunyonga chenu muli Kristu Yesu.

2 A-TESALONIKA 3:16

Haliapwila Mwene wa sambukila iye mwene akanwehe sambukila matangwa eswe mu majila eswe. Mwene apwe hamwe ni yenu eswe.