Kwalula 6:2 - MUKANDA USANDU WA ZAMBI 1975

² Amba kuli A-Izalele ngwe, Muze lunga, hanji pwo, malakenya chilakenyo chilemu, che chilakenyo cha Kanazireu, ha kulihandunwina kuli Yehova,

Mukanda Wa Zambi 1970

² ha kwaha Aisraele Shimbi jino. Nyi umwe lunga hanji pwo halakenya ha kubwa Kanazireu nikulikunjika kuli Mwene Zambi,

Kwalula 6:2 Iomraidhean Croise

Kutuhuka 33:16

Kuchi mungunyingika ngwami, Hinawana vumbi kumeso je, ni yami ni atu je? Te kuchapwile ha chuma chino nyi? Mumu yena wakuya hamwe ni yetu, chocho ni yami ni atu je tukahandunuke kuli atu eswe muno muze.

Yishima 18:1

Yoze malihandununa kanafupu upale wenyi mwene; kakulitachika ni mana eswe angunu.

Jeremia 35:6

Alioze o yakumbulula ngwo, Kutuchi kunwa vinyu niyimwe mumu Jonadabe mwana Rekabe kalamba ketu yatwaha shimbi ngwenyi, Kunuchi kunwa vinyu chipwe yenu chipwe ana jenu ndo ku miaka.

Alevi 20:26

Enu munupwa asandu kuli yami, mumu yami Yehova nguli musandu. Hinanuhandununa hakachi ka mavungu nukapwe a mbala a yami.

Alevi 27:2

Amba kuli A-Izalele ngwe, Muze umwe malakenya chilakenyo kuli Yehova ha kutwala kuli atu nikulita ni ndando yize munutongola,

Kwalula 30:3

Nyi pwo nawa malakenya kuli Yehova chilakenyo chimwe mukulijilila ni chijilika, iye te ku jiko lia tato ali, achili mwana-pwo,

Kwalula 6:1

Yehova yamba kuli Mose ngwenyi,

Luka 1:15

Mumu kumakapwa munene kumeso ja Mwene, kechi kanwa vinyu, chipwe kunwa chimwe chisasu, ka; iye makazala tò ni Spiritu Musandu, chize ku jimo lia naye.

Yilinga 18:18

Paulu, se watwamine kulutwe lia chino hindu matangwa anji, washikile ni mandumbu, wendele mu ulungu ku Seria, ni hamwe nenyi Prisela ni Akwila; Paulu te wakambile mutwe wenyi mu Senekwea, mumu chilakenyo wapwile nacho.

A-ROMA 1:1

Yami Paulu, ndungo ya Yesu Kristu, amutambikile postolo, amuselele ku sango lipema lia Zambi,

2 Korintu 6:16

Kutayiza chika yikwete tembele ya Zambi ni mahamba? Mumu yetu tuli tembele ya Zambi ya mwono; nikulita ngwe Zambi wambile ngwenyi, Mungukatwama muli ayo, mungukenda hakachi ko, mungukapwa Zambi yo, o kumakapwa atu jami.

Galashia 1:15

Alioze muze chapemenene Zambi, yoze wanguhandunwine chize ku jimo lia mama, wangutambikile mu vumbi lienyi,

Hebreu 7:27

Yoze kuchamutambile tangwa ha tangwa, chizechene ngwe asasendote akwa lutwe waze, kulambula yitapo, hatangu ha milonga yenyi mwene, ni kulutwe ha milonga ya atu: mumu chino wachilingile kamuwika kunahu, muze alilambwile mwene.

Akwa Kuyula 13:14

Kuchamutambile kulia chuma chinakatuka ku mutondo wa uva. Kanda akanwa vinyu, hanji kunwa chisasu. Kanda akalia yuma ya luchisa. Akafunge shimbi jami jeswe.

Akwa Kuyula 13:4

Kashika ukanyame, kanda ukanwa vinyu hanji kunwa chisasu. Kanda ukalia yuma ya luchisa,

Akwa Kuyula 13:5

mumu kumukapwa ni ufumba, kumukasema mwana wa lunga. Kanda ukasa tewula ku mutwe wenyi mumu mwana-lunga yono kumakapwa Kanazireu kuli Zambi chize ku kusemuka chenyi. Iye kumakaputuka kupulula A-Izalele ku moko ja A-Filistea.

Akwa Kuyula 16:17

Yamulumbunwina mbunge yenyi yeswe ngwenyi, Kangutewile mutwe wami nilimwe tangwa mumu nguli Kanazireu kuli Zambi chize ku jimo lia mama. Nyi mangutewula tachi jami mujingukatuka, mungwalumuka mulelu, mungupwa ngwe malunga-ni-akwetu.

1 Samuel 1:28

Kashika ni yami nawa hinamuhana kuli Yehova. Ha matangwa eswe a mwono wenyi hinamuhana kuli Yehova. Mwe mwana wawayililileko Yehova.