Kwalula 6:18 - MUKANDA USANDU WA ZAMBI 1975

¹⁸ Mwe Kanazireu akalitewile ku chikolo cha mbalaka ya chikungulwila mutwe wa kulihandununa chenyi. Akande kambu ja ku mutwe wa kulihandununa chenyi, akajinjise mu kahia kushi lia chitapo cha mulambu wa sambukila.

Mukanda Wa Zambi 1970

¹⁸ Kanazireu akatewila kambu jenyi ku chikolo cha zuwo lia Zambi ni kujocha ha kahia haze akulambwila mulambu wa kulivwa ni Zambi.

Kwalula 6:18 Iomraidhean Croise

Kwalula 6:17

Iye akalambule kuli Yehova mwe kuji ya panga akapwe chitapo cha mulambu wa sambukila hamwe ni we mutonga wa mbolo kujishi futunwiso. Sasendote akalambule nawa mulambu wenyi wa wunga ni mulambu wenyi wa kunwa.

Kwalula 6:5

Ha matangwa eswe a chilakenyo chenyi cha kulihandununa, tewula niyimwe kanda ayipalikisa ku mutwe wenyi; ndo matangwa mamanunuka ha kulihandunwina kuli Yehova, iye akapwe musandu. Iye akeche milamba ya kambu ja ha mutwe wenyi yikasuhe.

Kwalula 6:9

Nyi tungumuku mutu mafwila hakamwihi nenyi, mba iye machisa mutwe wenyi wa kulihandununa chenyi, mba akatewule mutwe wenyi ha tangwa lia kulipemesa chenyi. Akautewule ha tangwa liamuchishimbiali.

Luka 17:10

Chizechene yenu nawa, muze hinwalinga yuma yize yeswe ananwambe, nukambe ngwenu, Tuli ndungo amokomoko; hitwalinga wika chize yapwa milimo yetu.

Yilinga 18:18

Paulu, se watwamine kulutwe lia chino hindu matangwa anji, washikile ni mandumbu, wendele mu ulungu ku Seria, ni hamwe nenyi Prisela ni Akwila; Paulu te wakambile mutwe wenyi mu Senekwea, mumu chilakenyo wapwile nacho.

Yilinga 21:23

Linga kashika chize tunambe kuli yena: ngwetu, Malunga awana tuli no, waze chilakenyo ali nacho;

Yilinga 21:24

uatwale, ukalipemese hamwe no, ukaafwetele kongo lio, hanga akatewule mitwe yo: mba eswe makanyingika umwenemwene wakuhi niumwe ha yize aambulwilile ha kutwala kuli yena, alioze yena mwene wakwenda nikululika nikufunga shimbi.

Yilinga 21:26

Hohene Paulu watwalile e malunga, ni ha tangwa likwo, ha kulipemesa hamwe no, wanjilile mu tembele, nikusolola ngwe kumanunuka cha matangwa a kupemesa, ndo malambula chitapo hali ayo eswe mutu ni mutu.

Efesu 1:6

ku uhaliso wa uhenya wa vumbi lienyi, mu lienalio hanatuvumbisa muli yoze anamuzange chikolo.