Kwalula 6:12 - MUKANDA USANDU WA ZAMBI 1975

¹² Iye akalihandunwine kuli Yehova ha matangwa a kulihandununa chenyi. Akatwale kuji ya panga wa mwaka umuwika akapwe mulambu wa uhie. Alioze matangwa a kunyima matoka mumu te kulihandununa chenyi hichapiha.

Mukanda Wa Zambi 1970

¹² ni kulikunjika iye mwene kuli Mwene Zambi ngwe Kanazireu. Akatwala kuji a panga wa mwaka umuwika hanga akabwe mulambu wa kuhilwisa. Alioze matangwa a kunyima maakatoka mumu halijilula.

Kwalula 6:12 Iomraidhean Croise

Kutuhuka 12:5

Mwana-panga wenu akapwe keshi chipa, musamba wa kuji, nukamuchize ku mapanga chipwe ku pembe.

Ezekiel 18:24

Alioze muze mukwa ululi mahichika ululi wenyi akalinge uhenge, ni kulinga yuma ya lwaji yize yene chingulungulu akulinga, te makatwama ni mwono? Nichimwe chitanga chenyi cha ululi halinga makamwiwulukilacho. Ha mafwefwe aze hahila, ni mulonga uze havulumuna kumakafwa.

Alevi 14:24

Sasendote manda mwana-panga wa mulambu wa uhie, ni njongo ya maji. Sasendote mayihungisa yikapwe mulambu wa kuhungisa kumeso ja Yehova.

Alevi 5:6

Akanehe kuli Yehova mulambu wa uhie ha mutonga uze havulumuna, chihwo wa ku chendo, chipwe panga chipwe pembe, akapwe mulambu ha shili. Mwe sasendote akamufukile shili yenyi.

Alevi 5:7

Nyi kahashile kuneha mwana-panga akanehe kuli Yehova mulambu wa uhie ha mutonga havulumuna, tutele aali, hanji ana-a-membe aali, umwe akapwe mulambu ha shili, mukwo mulambu wa kulumba.

Kwalula 6:11

Sasendote akalambule mukwo mulambu ha shili, mukwo mulambu wa kulumba, mukumufukila, mumu te iye havulumuna ha mukunda wa mujimba wa mufu. Tangwa lioliene iye akasele ku usandu mutwe wenyi.

Kwalula 6:13

Shimbi ya Kanazireu yino, muze matangwa a kulihandununa chenyi mamanunuka: akamutwale ku chikolo cha mbalaka ya chikungulwila.

Mateu 24:13

Alioze mweswe manyongonona ndo ku songo, kumakamulamwina.

Mateu 3:15

Alioze Yesu wamukumbulwile ngwenyi, Chitayize haliapwila: mumu chocho chatutamba kumanununa ululi weswe. Hohene yamutayiza.

Tiangu (Jake) 2:10

Mumu mweswe mafunga shimbi jeswe lukombo, hindu matangula chihanda chimuwika, hahia ha jeswe.

2 Yoano 1:8

Litatenu kuli yenwene, hanga kutuchi katokesa yuma yize hitunalingi, aiioze hanga tukatambule kwononona cheswe.