Kwalula 5:3 - MUKANDA USANDU WA ZAMBI 1975

³ Ni malunga ni mapwo nukaakatwise, he haze lia chilombo nukaakatwise, hanga kechi kachisa chilombo cho muze natwama yami.

Mukanda Wa Zambi 1970

³ Chipwe lunga hanji pwo nukamuhuma, akabwe haze lia musumba, kuchina makachisa musumba muze natwama yami hamwe ni atu jami.”

Kwalula 5:3 Iomraidhean Croise

1 Yitanga Ya Mianangana 7:3

Yalifuka ni sedru helu lia makumi awana a mikambo ni mikambo yitano yize yapwile ha manguji. Ha mukala kumi ni yitano; ha mukala kumi ni yitano; ha mukala kumi ni yitano.

Miaso (Masamu) 68:18

Ena hiwazezuka mwilu hiwatwala funge ku ufunge, hiwatambula yawana hakachi ka atu, ewa, chipwe hakachi ka akwa kukolema nawa hanga Yehova Zambi akatwame hakachi ko.

Kutuhuka 25:8

Akangutungile zuwo lisandu hanga ngukatwame hakachi ko.

Kutuhuka 29:45

Kumungukatwama hakachi ka A-Izalele. Kumungukapwa Zambi yo.

Izaya 12:6

Likwizenu, imbenu ni uwahililo, enu nwatwama mu Zaione, mumu mwe Musandu wa Izalele kalema hakachi kenu.

Alevi 14:8

Mba yoze anambe kumupemesa akakose mazalo jenyi, akatewule kambu jenyi jeswe, akasane meya, mba mapema. Muze halinga chino manjila mu chilombo ahoze kechi kunjila mu mbalaka yenyi ndo matangwa shimbiali hahwa.

Alevi 15:31

Chocho mukafunga A-Izalele a kuhandununa ku luchisa wo, kuchina makafwa mu luchisa wo ha kuchisa tabernakulu yami yatwama hakachi ko.

Kwalula 16:3

Yalikungulula nikulimika ni Mose ni Arone, yamba kuli ayo ngwo, Hikwahwa ni yenu! Mumu akwa chikungulwila eswe asandu, mutu mweswe, Yehova hwali hakachi ko. Kuchi te nunalitangala helu lia mbunga ya Yehova?

Kwalula 19:22

Cheswacho mukwa luchisa makwata chikapwe cha luchisa. Mweswawo machikwata akapwe wa luchisa ndo ha chingoloshi.

Kwalula 35:34

Kanda nukachisa chifuchi nunatwamamo, mwenamo ni yami natwama. Mumu yami Yehova natwama mukachi ka A-Izalele.

Kwalula 5:4

A-Izalele yalinga chocho. Yaakatwisa haze lia chilombo. Chizechene ngwe Yehova ambile kuli Mose, chocho chialingile A-Izalele.

Shimbi 23:14

Mumu Yehova Zambi yenu kakwenda mukachi ka chilombo enenu, mukunupulula, mukukunjika kumeso jenu akwa kole jenu. Kashika chilombo chenu chikapwe chisandu, kanda amonamo chuma nichimwe cha sonyi kuchina manumba nyima.

Shimbi 23:15

Nyi ndungo machina kako, meza kuli yenu, kanda numukunjika kuli kako.

2 A-TESALONIKA 3:6

Achi, shimbi tunanwehe, mandumbu, mu jina lia Mwene wetu Yesu Kristu, ngwetu, Nukalihandunune kuli ndumbu mweswe menda ni kulumbuka, keshi kwenda nikulita ni ndongo yize nwatambwile kuli yetu.

Titu 3:10

Mukwa kuhandunwona muze hiwanukanjisa kashi, kaali, lituneye,

Usolwelo 21:27

Ni chuma cha luchisa, chipwe yoze wakulinga chizelwokeso, chipwe yoze wamutomba mahuza, kechi kanjilamo nichimwe: aiioze waze wika anaasoneka mu mukanda wa mwono wa mwe Mwana-panga.

Usolwelo 21:3

Nevwile liji linene lia kukatuka mwilu ngwo, Talenu, zuwo lia Zambi lili hamwe ni atu, iye kumakatwama hamwe no, o makapwa atu jenyi, ni Zambi mwene makapwa hamwe no, Zambi yo.