Kwalula 5:29 - MUKANDA USANDU WA ZAMBI 1975

²⁹ Yino ye shimbi mumu ha ukwa muze pwo mapianguka ku luchisa ni lunga weka, iye hi mukwo-lunga ko.

Mukanda Wa Zambi 1970

^29-30 Yino ye Shimbi mu zuwo lize lunga uli ni ukwa ni hanyongena pwo lienyi ngwenyi, halinga utanji. Mwe pwo chatamba kumana kulutwe lia chilumbilo, mba hako mamweseka.

Kwalula 5:29 Iomraidhean Croise

Ezekiel 33:26

Nwakukwata katana; nwakulinga yuma ya lwaji, mba mweswe hakachi kenu kukulumbula pwo lia mukwo. Munukazuka chifuchi chocho?

Alevi 11:46

Yino ye shimbi ya tushitu, ni ya tujila, ni ya akwa mwono eswe akwenda mu meya, ni ya tushitu eswe akukalala hashi.

Alevi 13:59

Yino ye shimbi ya kutwala ku musongo wa mbumba mu uzalo wa wona wa panga, hanji wa hina lipema litoma, chipwe mu mutwalo, chipwe mu mbandwola, hanji wa chuma cha kupu kunyingika nyi wapwa upema nyi wa luchisa.

Alevi 7:11

Yino ye shimbi ya chitapo cha mulambu wa sambukila mutu matambula kuli Yehova.

Kwalula 5:12

Amba kuli A-Izalele ngwe, Nyi pwo lia lunga mweswawo mapianguka ni kumuvulumuna,

Kwalula 5:15

henaho mwe lunga akahetese mukwo-pwo kuli sasendote, akatwale hali iye mulambu wenyi wa chihanda chimuwika cha ku yihanda kumi ya efa ya wunga wa sevada. Kanda akazujilaho maji niamwe, chipwe kusaho libano, ka. Mumu kuwapwa mulambu wa wunga wa ukwa, mulambu wa wunga wa Chiwulwiso, kuwakwiwulwisa uhenge.

Kwalula 5:19

Sasendote akamushingise, akambe kuli pwo ngwenyi, Nyi lunga kapombele ni yena, nyi kwapiangukile ku luchisa ni lunga weka, iye hi mukwenu-lunga ko, ngwami, utusuke ku ano meya asasu a kuneha shingo.

Kwalula 5:28

Nyi pwo kalichishile alioze halinanga, mba akatusuke, makaseseka ufumba.

Kwalula 5:30

Chipwe muze mbunge ya ukwa muyiza hali lunga mba mavwila ukwa mukwo-pwo, henaho makatumbikila mwe pwo kumeso ja Yehova. Sasendote akalinge kuli pwo nikulita ni shimbi yino yeswe.