Kwalula 5:27 - MUKANDA USANDU WA ZAMBI 1975

²⁷ Muze iye hamunwisa e meya, mba nyi pwo halichisa, nyi havulumuna mukwo-lunga, meya a kuneha shingo makamunjila, makapwa asasu, mujimba wenyi muukajimba, chitongo chenyi muchikasosewa. Mwe pwo makashingiwa hakachi ka atu jenyi.

Mukanda Wa Zambi 1970

²⁷ Nyi ngwe kanakalinga utanji, meya maamukokela lamba. Jimo lienyi mulijimba ni ku mahienyi mukusosewa. Mashingiwa mukachi ka atu jenyi.

Kwalula 5:27 Iomraidhean Croise

Miaso (Masamu) 109:18

Walijikile ni mashingo ngwe mazalo mba anjilile muchima lienyi ngwe meya, ngwe maji mu yifwaha yenyi.

Longeshi 7:26

kumanyi hinawana chuma chasasa kuhiana ufwe. Ngwami, pwo yoze mbunge yenyi yapwa miheto ni manda, moko jenyi apwa ngwe kúli. Mutu yoze Zambi kanamumono kuwaha matusuka kuli iye alioze chivulumunyi makwachika.

Izaya 65:15

Munukahichika jina lienu ngwe shingo kuli waze naatongwele, mba Mwene Yehova makanushiha; alioze matuka tuvumbi twenyi jina lieka.

Jeremia 24:9

Mungwapwisa chuma cha lwaji ku yifuchi yeswe ya hashi. Mungwapwisa luchoko, ni kashilikilo, ni lenyo, ni shingo mu yifuchi yeswe kuze mungwahumina.

Jeremia 29:18

Mungwakaula ni katana, ni kapunga, ni chilungo; mungwapwisa chuma cha lwaji ku mavungu eswe a hashi, akapwe shingo, ni mwongo, ni musozo, ni luchoko hakachi ka mavungu kuze hinaahumina,

Jeremia 29:22

Ha mukunda wo shingo lino malishinga nalio njize eswe ja A-Yunda waze ali mu Babilonia ngwo, Yehova akupwise ngwe Zedekia ni Ahabe waze mwanangana wa Babilonia wochele ni kahia.

Jeremia 42:18

Mumu Yehova-wa-Tujita, Zambi ya Izalele kanambe ngwenyi, Chizechene ngwe nazukwile utenu wami ni ufwatulo wami hali waze atwamine mu Yerusaleme, chocho nawa munguzukula ufwatulo wami hali yenu muze munuya ku Engitu. Munwalumuka sau, ni chuma cha mwongo, ni shingo, ni luchoko. Kunuchi kamona nawa chifuchi chino.

Jeremia 44:12

Mungutambula masalila ja A-Yunda wano hasa meso jo kwiza kutwama mu chifuchi cha Engitu mba eswe makakuwa. Mwe mu chifuchi cha Engitu makalimbuka. Makakuwa ni katana ni kapunga. Chize kuli mukepe ndo kuli munene eswe kumakakuwa ni katana ni kapunga; kumakalumuka sau, ni chuma cha mwongo, ni shingo, ni luchoko.

Zakaria 8:13

Nwapwile kashilikilo ka kushinga hakachi ka mavungu, chizechene yenu akwa munyachi wa Yunda ni munyachi wa Izalele mungukanulamwina mba munupwa chiwape. Kanda nwivwa woma; moko jenu akatakame.

Kwalula 5:20

Alioze nyi hiwapianguka ni lunga weka, hi mukwenu-lunga ko, nyi hiwalichisa, lunga nikupomba ni yena, hi mukwenu-lunga ko,—

Kwalula 5:28

Nyi pwo kalichishile alioze halinanga, mba akatusuke, makaseseka ufumba.

A-ROMA 6:21

Mba mihuko yika nwapwile nayo ha mwaka uze ku yuma yize haliapwila nunayivwila sonyi? Mumu songo lia yuma yize kufwa.

2 Korintu 2:16

kuli amwe vumba lia kufwa ndo ku kufwa; alioze kuli akwo vumba lia mwono ndo ku mwono. Yino yuma iya mayihasa?

Shimbi 28:37

Munukapwa chikomokeso, munukapwa chishima, munukapwa kashilikilo, hakachi ka atu eswe kuze Yehova makanutwala.

2 Petulu 2:10

aiioze kuhiana chikolo waze akwenda nikulita ni musunya ni usolo wa luchisa, akulelesa ulemu. Akwa kuhunuka, akwa pami, keshi woma wa kutuka alemu.