Kwalula 5:15 - MUKANDA USANDU WA ZAMBI 1975

¹⁵ henaho mwe lunga akahetese mukwo-pwo kuli sasendote, akatwale hali iye mulambu wenyi wa chihanda chimuwika cha ku yihanda kumi ya efa ya wunga wa sevada. Kanda akazujilaho maji niamwe, chipwe kusaho libano, ka. Mumu kuwapwa mulambu wa wunga wa ukwa, mulambu wa wunga wa Chiwulwiso, kuwakwiwulwisa uhenge.

Mukanda Wa Zambi 1970

¹⁵ ha chino lunga atwale pwo lienyi kuli hako hamwe ni mulambu wa wunga kilo yimuwika. Alioze kanda azujila ho maji a olive hanji yuma ya vumba libema, mumu kuuli mulambu wa ukwa wa lunga. Kanaulambula hanga umwenemwene usoloke.

Kwalula 5:15 Iomraidhean Croise

1 Yitanga Ya Mianangana 17:18

Pwo yamba kuli Eliya ngwenyi, Ena mutu wa Zambi, yika yiliko hakachi ka yena ni yami? Hiweza kuvumbula uhenge wami Ushihe mwanami.

Ezekiel 21:23

Ahoze kuli ayo muchikasoloka ngwe kutaha cha mahuza. Halishinga ni mashingo alemu, ahoze aye kakwiwulula uhie wo hanga akaakwate.

Ezekiel 29:16

Kuuchi kapwa nawa ujikijilo wa munyachi wa Izalele nikwiwuluka uhenge wo muze atalile kuli ayo akaakwase. Henaho makanyingika yami nguli Mwene Yehova.

Hosea 3:2

Chocho namufwetele ni kumi lia shekele ni shekele jitano ja prata, ni njongo ya *homere ni chihanda ya sevada.

Alevi 1:2

Amba kuli A-Izalele ngwe, Muze umwe mutu hakachi kenu matambula mulambu kuli Yehova, akatambule mulambu wenyi wa yimuna; hanji ngombe, hanji panga, hanji pembe.

Alevi 2:1

Mba muze umwe makalambula mulambu wa wunga kuli Yehova, mulambu wenyi ukapwe wa wunga wafufunuka. Akaseho maji ni libano.

Alevi 5:11

Nyi kahashile kuneha tutele aali, hanji ana-a-membe aali, mba akanehe mulambu wenyi ha uhie wenyi, ngwami, Chihanda chimuwika cha ku kumi lia yihanda ya efa ya wunga wafufunuka ukapwe mulambu ha shili. Kanda asaho maji niamwe, chipwe libano, mumu mulambu ha shili.

Kwalula 5:16

Sasendote akamukundamise, akamutumbikile kumeso ja Yehova.

Hebreu 10:3

Alioze mu yitapo yize kuchili kwiwulula cha milonga mwaka ha mwaka.