Kwalula 4:6 - MUKANDA USANDU WA ZAMBI 1975

⁶ Akaseho chifuko cha malambu a yipanyundu. Akazazulwileho hina lieswe lilauluka. Akanjisemo mikambo yawo.

Mukanda Wa Zambi 1970

⁶ Akafuka ho chifuko cha malambu abema, akazazulwila ho hina lilauluka, mba maakanjisa mo mikambo ya kumbachila.

Kwalula 4:6 Iomraidhean Croise

Kutuhuka 25:10

Akasonge mushete wa mutondo wa mukesha. Usuhe wawo ukapwe mbandu jiali ni chihanda cha hakachi. Utohe wawo ukapwe mbandu yimuwika ni chihanda cha hakachi. Chizundamo chawo chikapwe mbandu yimuwika ni chihanda cha hakachi.

Kutuhuka 35:19

ni mazalo a kutonga ni ulangaji a kulingila muma musandu, mazalo asandu a sasendote Arone, ni mazalo ja ana jenyi a malunga mukulingila usasendote.

Kutuhuka 39:1

Mba ku mahina alauluka, ni a ufungo, ni a ngengu, o yatonga ni ulangaji mazalo a kuvumbikila muma musandu. Yatonga mazalo asandu a Arone chizechene ngwe Yehova ambile kuli Mose.

Kutuhuka 39:41

ni mazalo a kulinga ni ulangaji a kuvumbikila muma musandu, ni mazalo asandu a sasendote Arone, ni mazalo a ana jenyi a malunga mukuvumbika usasendote.

Kwalula 4:14

Akatumbikileho yikashi yeswe yacho ya kuvumbikilako, ni yikombelo, ni nguto ja misako, ni mapá, ni mbasia, te yikashi yeswe ya ku chilumbilo. Akazazulwileho chifuko cha malambu a yipanyundu. Akanjisemo mikambo yacho.

Kwalula 4:25

o akambate mahina a ku tabernakulu ni a ku mbalaka ya chikungulwila, ni chifuko chayo, ni chifuko cha malambu a yipanyundu chize chatwamaho helu, ni hina lia kufuka ku chikolo cha mbalaka ya chikungulwila;

Shimbi 31:9

Mose yasoneka shimbi yino, yayihana kuli asasendote, A-Levi, waze ambachile mushete wa usendo wa Yehova, ni kuli makulwana eswe a Izalele.