Kwalula 4:5 - MUKANDA USANDU WA ZAMBI 1975

⁵ Muze akwa chilombo maya mu wenyi Arone hamwe ni ana jenyi a malunga akanjile akalemune chikalakala cha hina, akafuke nacho mushete wa Shindakenyo.

Mukanda Wa Zambi 1970

⁵ Mwene Zambi yamwaha Mose Shimbi yikwo. Muze Aisraele maamba kukatuka ha musumba, Arone ni ana jenyi a malunga akanjila mu zuwo lia Zambi, akalemuna chikalakala kulutwe lia mushete wa Usendo ni kufuka nacho we mushete.

Kwalula 4:5 Iomraidhean Croise

1 Sango Ja Mianangana 15:15

A-Levi ambachile mushete wa Zambi ni mikambo ha yipaya yo chizechene ngwe Mose watumine nikulita ni liji lia Yehova.

1 Sango Ja Mianangana 23:26

Kashika A-Levi kechi kuhondangana nikumbata tabernakulu ni yikwachilo yayo yeswe ya uvumbiko.

2 Sango Ja Mianangana 3:14

Yalinga chikalakala cha hina lilauluka, ni lia ufungo, ni lichila, ni lia linyu lipema, ni kwesekaho akerupimi.

Kutuhuka 36:35

Yatonga chikalakala cha hina lilauluka ni Ha ufungo, ni Ha ngengu, ni lipema litoma, cha kwola ni akerupimi, chitanga cha mwe chilangaji.

Kutuhuka 40:3

Ukanjisemo we mushete wa Shindakenyo. Ukafuke mushete ni hina lia chikalakala.

Kutuhuka 40:5

Ukatumbike chilumbilo cha oru cha kwochelaho insensu kulutwe lia mushete wa Shindakenyo hikuzezeleka hina lia kufuka chikolo cha ku tabernakulu.

Izaya 25:7

Ha mulundu uno monwona chifuko chize hafuka nacho mavungu eswe, ni wanda uze hazazulwila helu lia mawanangana eswe.

Alevi 16:2

Yehova yamba kuli Mose ngwenyi, Ambila yayenu Arone kanda anjila matangwa eswe muma musandu muchima lia chikalakala kumeso ja chitwamo cha keke chize chili ha mushete, kuchina mafwa. Mumu mungukasoloka mu lelwa ha chitwamo cha keke.

Kwalula 10:14

Hatangu mbandeira ya chilombo cha A-Yunda yiyikatuka nikulita ni yizavu yo. Kasongo ka chizavu cho iye Nasone, mwana wa Aminandambe.

Kwalula 4:15

Muze te Arone ni ana jenyi a malunga hamana kufuka muma musandu ni yikashi yeswe ya muma musandu, muze akwa chilombo himaya mu wenyi, mba kulutwe A-Kohate akakundame akayimbate. O kanda akasunga yuma yisandu kuchina mafwa. Yuma yino kuyapwa chiteli cha A-Kohate mu mbalaka ya chikungulwila.

Kwalula 4:4

Uvumbiko wa A-Kohate mu mbalaka ya chikungulwila uno, wa yuma yisandu yahiana.

Kwalula 7:9

Alioze kuli A-Kohate kahanyine niamwe, mumu uvumbiko wa muma musandu wa mbala wa ayo. O apwile nikumbata yuma yamo ha yipaya yo.

Mateu 27:51

Kumanyi, chikalakala cha hina cha tembele chapulikile mukachi kwilu ndo hashi; ni hashi hanyikine; ni mawe apulikile;

Shimbi 31:9

Mose yasoneka shimbi yino, yayihana kuli asasendote, A-Levi, waze ambachile mushete wa usendo wa Yehova, ni kuli makulwana eswe a Izalele.

Hebreu 10:20

ku jila yize hanatuputukilayo, jila yaha, ya mwono, ku chikalakala cha hina, chenacho musunya wenyi;

Hebreu 9:3

Kulutwe lia chikalakala cha hina chamuchiali, kwatwama mbalaka yize anayivuluka, ngwo. Muma musandu mwahiana;

1 Samuel 6:19

Yalamba amwe a kuli A-Mbete-Shemeshe mumu atalile muchima lia mushete wa Yehova. Yalamba hakachi ko makumi atano a tununu ni makumi shimbiali. Mba atu alinyengene mumu Yehova halamba atu ni kufwa chinene.