Kwalula 4:15 - MUKANDA USANDU WA ZAMBI 1975

¹⁵ Muze te Arone ni ana jenyi a malunga hamana kufuka muma musandu ni yikashi yeswe ya muma musandu, muze akwa chilombo himaya mu wenyi, mba kulutwe A-Kohate akakundame akayimbate. O kanda akasunga yuma yisandu kuchina mafwa. Yuma yino kuyapwa chiteli cha A-Kohate mu mbalaka ya chikungulwila.

Mukanda Wa Zambi 1970

¹⁵ Muze tangwa lia kukatuka ha musumba hiliaheta, akwa jimo lia Kohate akeza ni kumbata yikashi ya chijila, alioze shina muze Arone ni ana jenyi a malunga haamanununa kuyifuka yeswe. Akwa jimo lia Kohate kuchaatambile kukwata ku yuma ya chijila. Nyi ka, kumaafwa. Yino ye milimo ya akwa jimo lia Kohate muze maazanga kulemuna zuwo lia Zambi lia makubu.

Kwalula 4:15 Iomraidhean Croise

2 Samuel 15:24

Ni Zadoke wejile nawa hamwe ni A-Levi eswe nikumbata mushete wa usendo wa Zambi. O yatula mushete wa Zambi, ni Abiatare yakanduka ndo atu eswe hamana kukatuka kwimbo.

2 Samuel 6:13

Muze akwa kumbata mushete wa Yehova henda shimbo jisambano iye walambwile kuji ya ngombe ni chimbembe wa maji.

1 Yitanga Ya Mianangana 8:3

Makulwana a Izalele yeza eswe, mba asasendote yazundula mushete.

1 Sango Ja Mianangana 15:15

A-Levi ambachile mushete wa Zambi ni mikambo ha yipaya yo chizechene ngwe Mose watumine nikulita ni liji lia Yehova.

1 Sango Ja Mianangana 15:2

David yamba ngwenyi, A-Levi wika mahasa kumbata mushete wa Zambi mumu Yehova waatongwele kumbata mushete ni kumulingila ku miaka ya mutolo.

1 Sango Ja Mianangana 23:26

Kashika A-Levi kechi kuhondangana nikumbata tabernakulu ni yikwachilo yayo yeswe ya uvumbiko.

Kutuhuka 19:12

Ukasele atu njiza ya kujingilika. Amba ngwe, Nukanyame. Kanda nukanduka ha mulundu chipwe kukwata ku njiza yawo, ka. Mweswawo makwata ku mulundu akamushihe lume.

Kutuhuka 19:21

Yehova yamba kuli Mose ngwenyi, Palumuka, uhane koki kuli atu kuchina mazomboka njiza ndo kuli Yehova mukumutala, mba anji a kuli ayo mafwa.

Kutuhuka 27:7

Ukanjise ye mikambo yacho mu ngo. Mikambo yikapwe ha malumbu ja chilumbilo ya kuchimbachila.

Alevi 16:13

Akase insensu ha kahia kumeso ja Yehova hanga mwishi wa insensu Ukafuke chitwamo cha keke chize chili ha Shindakenyo, kuchina mafwa.

Kwalula 1:50

Alioze Ukasele A-Levi akafunge tabernakulu ya Shindakenyo, akafunge yikashi yayo yeswe, akafunge yuma yeswe yilimo; o akambate ye tabernakulu ni yikashi yayo yeswe. Akayilingile. Akajikile mbalaka jo kwa kujingilika ye tabernakulu.

Kwalula 1:51

Muze munuya mu wenyi ni tabernakulu, A-Levi ayizule, mba muzemayitunga e A-Levi ayimike. Nyi mukukundama umwe mukwo, akamushihe.

Kwalula 10:21

A-Kohate yakatuka nikumbata yuma ya muma musandu. Shimbu o kanda aheta, tabernakulu ya kumika kulu kuli akwo.

Kwalula 18:3

O akafunge ulayilo we, akalayile mu mbalaka yeswe; chino wika, o kanda akakundama ku yikashi ya muma musandu, ni ku chilumbilo, kuchina mafwa, chipwe ayo, chipwe yenu.

Kwalula 3:38

Akwa kujikila mbalaka jo kulutwe lia tabernakulu ku sali lia ku Chivumbuko, kwe kulutwe lia mbalaka ya chikungulwila, ku Chivumbuko cha tangwa akapwe Mose ni Arone ni ana jenyi a malunga, akalayile yuma ya muma musandu, akalayile A-Izalele. Nyi mukukundama umwe mukwo, akamushihe.

Kwalula 4:14

Akatumbikileho yikashi yeswe yacho ya kuvumbikilako, ni yikombelo, ni nguto ja misako, ni mapá, ni mbasia, te yikashi yeswe ya ku chilumbilo. Akazazulwileho chifuko cha malambu a yipanyundu. Akanjisemo mikambo yacho.

Kwalula 4:19

Alioze hanga akatwame ni mwono, kanda akafwa, nukalinge chino ha kukundama ayo ku yuma yisandu yahiana: Arone ni ana jenyi a malunga akanjile, akasele mutu mweswe uvumbiko wenyi ni chiteli chenyi.

Kwalula 4:20

Kanda akanjila akatale yuma yisandu, chipwe ha kashimbu kakapekepe, ka, kuchina mafwa.

Kwalula 7:9

Alioze kuli A-Kohate kahanyine niamwe, mumu uvumbiko wa muma musandu wa mbala wa ayo. O apwile nikumbata yuma yamo ha yipaya yo.

Shimbi 31:9

Mose yasoneka shimbi yino, yayihana kuli asasendote, A-Levi, waze ambachile mushete wa usendo wa Yehova, ni kuli makulwana eswe a Izalele.

Yoshua 4:10

Mumu asasendote akwa kumbata mushete amanyine mukachi ka Yordau ndo yuma yeswe yamanunukine yize Yehova atumine Yoshua kuhana kuli atu, nikulita ni shimbi jeswe ja Mose kuli Yoshua. E atu azaukile kapupushi.

1 Samuel 6:19

Yalamba amwe a kuli A-Mbete-Shemeshe mumu atalile muchima lia mushete wa Yehova. Yalamba hakachi ko makumi atano a tununu ni makumi shimbiali. Mba atu alinyengene mumu Yehova halamba atu ni kufwa chinene.