Kwalula 34:2 - MUKANDA USANDU WA ZAMBI 1975

² Amba A-Izalele ngwe, Muze mununjila mu chifuchi cha Kanana (chino chifuchi muchikapwa chihinga chenu, te chifuchi cha Kanana nikulita ni njiza jacho),

Mukanda Wa Zambi 1970

² ha kulweza Aisraele Shimbi jino ngwenyi: “Muze munukanjila mu chifuchi cha Kanana, chifuchi chize ngunanwehe, njiza ja chifuchi jikabwe chino.

Kwalula 34:2 Iomraidhean Croise

Ubutukilo 10:19

Njiza ya A-Kanana yachiza ku Sendone mu jila ya kutalikisa ku Ngerare, ndo ku Ngeza, mu jila ya kutalikisa ku Sondome ni Ngomora, ni Andama ni Zepoime ndo ku Lasha.

Ubutukilo 17:8

Chifuchi cha unjize we, chifuchi chino cheswe cha Kanana munguchihana kuli yena ni ku munyachi we kulutwe akachizuke ku miaka ya mutolo. Yami mungukapwa Zambi yo.

Miaso (Masamu) 105:11

ngwenyi, Kuli yena munguhana chifuchi cha Kanana, njiza ya chihinga chenu.

Kutuhuka 23:31

Mungukafunjika njiza jenu chize ku Kalunga-lwiji Muchila ndo ku kalunga-lwiji wa A-Filistea; chize ku puya ndo ku Lwiji, mumu mungukakunjika akwa chifuchi chize ku moko jenu mba yenu munukaahuma kulutwe lienu.

Jeremia 3:19

Nangyonga chize mungukusa hakachi ka ana jami a malunga nikukwaha chifuchi chipema, chihinga chahiana kuwaha hakachi ka mavungu eswe. Nanyonga ngwami, Mangutongola ngwenyi, Tata. Mangukaula, kechi kapianguka.

Ezekiel 47:13

Mwene Yehova kanambe ngwenyi, Jino je njiza munuhandununa najo che chifuchi ha yihinga hakachi ka kumi lia minyachi ni minyachi yiali ya Izalele. José akapwe ni yihanda yiali.

Ezekiel 47:14

Munukachiteta ni katonde keshiko. Nalishingile ni tulamba twenu kwaahacho, kashika chifuchi chino muchipwa nichenu cha chihinga.

Kwalula 34:1

Yehova yamba kuli Mose ngwenyi,

Yilinga 17:26

iye watangile ku manyinga amuwika mavungu eswe a atu mukutwama ha kuzazuluka cheswe cha hashi, se afunjikile miaka yo yize waselele kushi, ni manjiza ja yihela yo:

Yilinga 26:18

Mukulawisa meso jo, hanga akatewuluke ku milima ndo ku pangu, ku tachi ja Satana ndo kuli Zambi, hanga akatambule ukonekeno wa milonga, ni chihinga hakachi ka waze hanaasela ku usandu ku Ufulielo kuli yami.

Efesu 1:14

Iye che chifungo cha chihinga chetu ndo ku ukule wa upite wa Zambi mwene, ku uhaliso wa uhenya wenyi.

Efesu 1:18

meso ja mbunge jenu akapanguluke, hanga nukanyingike chize chapwa kutalatala cha kutambika chenyi, chize chapwa kulumbama cha uhenya wa chihinga chenyi muli asandu;

Yoshua 11:23

Chocho Yoshua watambwile Chifuchi cheswe nikulita ni liji lieswe Yehova wambile kuli Mose. Yoshua wachihanyine kuli A-Izalele chihinga nikulita ni minyachi yo, munyachi ni chihanda chawo, munyachi ni chihanda chawo. Mba chifuchi chahwimine ku jita.

Yoshua 13:1

Mba Yoshua hapwa mukulwana. Miaka yenyi hiyoka. Kashika Yehova yamba kuli iye ngwenyi, Uli mukulwana, miaka ye hiyoka, hindu kwasala chifuchi chinene kuzuka.

Yoshua 21:43

Chocho Yehova wahanyine kuli A-Izalele chifuchi chize cheswe alishingile kuhana kuli tulamba two, mba muze hachizuka achitungile.