Kwalula 32:14 - MUKANDA USANDU WA ZAMBI 1975

¹⁴ Kumanyi! Enu nunakatuka ni kusalakana atatenu, munyachi wa yivulumunyi, mukwokesa utenu usasu wa Yehova hali A-Izalele!

Mukanda Wa Zambi 1970

¹⁴ Haliabwila ni yenu nawa hinwasalakana atatenu; nuli Chisemuko cha yivulumunyi, nunakoko nawa ufwatulo wa Mwene Zambi hali Aisraele.

Kwalula 32:14 Iomraidhean Croise

Ubutukilo 5:3

Alama yatwama kulakaji lia miaka ni makumi atatu a miaka mba yasema mwana wa lunga wa kulifwa nenyi, mwe mu chano chenyi. Yamuluka jina ngwenyi, Sete.

Ubutukilo 8:21

Yehova yevwa lupembo mupema; Yehova yamba mu mbunge yenyi ngwenyi, Chichi kashinga nawa mavu mumu hali atu, mumu kunyonga cha mbunge jo chapiha chize ku wanuke wo. Chichi kulamba nawa akwa mwono eswe ngwe hinalinga.

2 Sango Ja Mianangana 28:13

ngwo, Kunuchi kuneha e funge muno, mumu nunahale kutukokela mulonga kuli Yehova nikuweza ku milonga yetu ni Utanguko wetu. Mumu Utanguko wetu unene, kashika kuuli ufwatulo usasu hali Izalele.

Ezra 10:10

Henaho sasendote Ezera yamana kwilu, yamba kuli ayo ngwenyi, Hinwavulumuna, hinwambata mapwo yilambala nwokese uhie wa Izalele.

Nehemia 13:18

Tulamba twenu alingile chocho mba, ngwami, Zambi watukokelele lamba lino lieswe hali yetu ni ha chihunda chino. Hindu munukokela A-Izalele utenu nawa ukwo ha kujilula Sambata.

Jobe 14:4

Iya mahasa kuchiza chuma chipema muchima lia chuma chipi? Niumwe.

Miaso (Masamu) 78:57

Ahilukile kunyima; alingile ni mafwefwe ngwe akako; apiasukile ngwe uta wa kwonga.

Izaya 1:4

Enu vungu lia yivulumunyi, atu alemewa ni uhenge, ana ja akwa kulinga chipi, ana aze akulinga luchisa! Hanehuka Yehova, hanalelesa Musandu wa A-Izalele, hanalihandununa liakulu ni yami.

Izaya 57:4

Neya unahehe? Kuli iya unapakwila kanwa lie nikwawila mwau, ni kutuhwisa limi lie? Ngwami, Nuli ana ja Utanguko, nwasemukine mu kwonga.

Ezekiel 20:21

Alioze ana yangukatukila, kendele mu yiyulo yami, katalile kanawa kufunga shimbi jami jize atu kakutwama ni mwono ha kujifunga. Ajilwile masambata jami. Yingunyonga kwazukwila ufwatulo wami ni kuhwisa utenu wami hali ayo mu puya.

Kwalula 32:15

Mumu kachi munukondoloka kuli iye, kachi makaehuka cheka nawa mu puya. Kumunukonwona vungu lino lieswe.

Luka 11:48

Chocho nunapu yela, nwakutayiza ku yitanga ya akakenu! mumu o aashihile ni yenu nwakutunga mafuka jo.

Shimbi 9:24

Chize ku tangwa lize nanunyingikine, hinwakolema Yehova.