Kwalula 32:13 - MUKANDA USANDU WA ZAMBI 1975

¹³ Utenu wa Yehova yiukasumukina A-Izalele, yaendanganyisa mu puya makumi awana a miaka, ndo chisemuko chize chalingile chipi kumeso ja Yehova chakuwile.

Mukanda Wa Zambi 1970

¹³ Mwene Zambi yevwila atu ufwatulo, yeendanganyisa mu puya miaka makumi awana, ndoo ni muze Chisemuko cheswe chize alitachikile ni Zambi ahwile ni kufwa.

Kwalula 32:13 Iomraidhean Croise

Miaso (Masamu) 107:4

Endanganyine mu puya mu jila ya makango. Kawanyine chihunda cha kutwamamo.

Miaso (Masamu) 78:33

Kashika wajimwine matangwa jo ngwe mwiku. Walalishile miaka yo ni mwongo.

Miaso (Masamu) 95:10

Makumi awana a miaka ndusu napihilile ni chisemuko chize. Nambile ngwami, Wano atu akwa kuhenga mu mbunge jo; kanyingikine majila jami.

Kutuhuka 16:35

Ha makumi awana a miaka A-Izalele alile maná ndo ahetele ku chifuchi kuze kwatwama atu, o alile maná ndo ahetele ku njiza ja chifuchi cha Kanana.

Amose 2:10

Chikwo nawa nanuchijile mu chifuchi cha Engitu nikungongwela mu puya makumi awana a miaka hanga nukatunge chifuchi cha A-Amore.

Amose 2:9

Alioze nanongesene A-Amore aze aaliangile; Chizundamo cho chapwile ngwe cha misedru, ni tachi jo ngwe tachi ja mitondo ya carvalho. Nanongesene mihuko yenyi kwilu ni miji yenyi kushi.

Kwalula 14:32

Alioze ha kutwala kuli yenu, mijimba yenu ya kufwa muyikalimbuka mu puya yino.

1 Korintu 10:5

Alioze anji ahiana a kuli ayo Zambi kawahile no: mumu aanungwine mu puya.

Shimbi 2:7

Mumu te Yehova Zambi yenu hananuwahisa ni milimo yeswe ya moko jenu, iye kananyingika kwendangana chenu mu puya yino yinene. Makumi aze awana a miaka Yehova wapwile hamwe ni yenu, kunwahonene nichimwe.

Akwa Kuyula 2:14

Kashika utenu wa Yehova wakasumukine hali A-Izalele; waakunjikile kuli akwa kupupa, akaapupe. Yaalanjisa ku tachi ja akwa kole jo ha kwajingilika, chocho kahashile kulimika nawa ni akwa kole jo.

Akwa Kuyula 2:20

Kashika utenu wa Yehova wakasumukine hali A-Izalele. Yamba ngwenyi, Mumu wano atu hatangula usendo wami uze natumine tulamba two, chipwe liji liami kaliononokenene,