Kwalula 32:12 - MUKANDA USANDU WA ZAMBI 1975

¹² shina Kalemba mwana Yefune, Ka Kenaze, ni Yoshua mwana Nune, mumu te o yakaula liakulu Yehova.

Mukanda Wa Zambi 1970

¹² Shina lume Kaleba mwana wa Jefune mukwa Kenaze, ni Yoshua mwana wa Nune, e akawile Mwene Zambi ni mbunge yeswe.

Kwalula 32:12 Iomraidhean Croise

Miaso (Masamu) 63:8

Mbunge yami kuyakulihanga ni yena. Kwoko lie lia chindume kuliakungujikijisa.

Kwalula 14:22

wano malunga eswe amwene ulemu wami ni yilayi yami yize nalingile mu Engitu ni mu puya, hanangweseka kumi lia yisuho, o kahalakanyine ku liji liami;

Kwalula 14:24

Alioze Kalemba, kavumbi kami, mumu iye kali ni Spiritu yeka, hanangukaula liakulu, kumungukamuhetesa iye ku chifuchi kuze ayile iye. Ana jenyi makachizuka.

Kwalula 14:30

chamwenemwene kunuchi kaheta ku che chifuchi, ha kutwala ku chenacho nalakenyene ni shingo ngwami, Mungukanutwamisamo, shina Kalemba, mwana wa Yefune, ni Yoshua, mwana wa Nune.

Kwalula 26:65

Mumu te Yehova hanambe ha kutwala kuli ayo ngwenyi, Chamwenemwene o kumakafwila mu puya. Kukwasalile mutu niumwe wa kuli ayo, shina Kalemba, mwana wa Yefune, ni Yoshua, mwana wa Nune wika.

Shimbi 1:36

shina Kalemba, mwana wa Yefune, iye makachimona. Mungukanwaha chifuchi iye waliachileho, ni kuli ana jenyi, mumu iye hanakaula liakulu Yehova.

Yoshua 15:17

Oteniele, mwana wa Kenaze, mwanakwo wa Kalemba, yachikumba, kashika yamwaha Aksa mwanenyi akapwe pwo lienyi.