Kwalula 31:3 - MUKANDA USANDU WA ZAMBI 1975

³ Mose yamba kuli e atu ngwenyi, Hipakatenu malunga hakachi kenu aye ku jita, aye nikulimika ni A-Mindiane, mukulinga hali A-Mindiane kukala cha Yehova.

Mukanda Wa Zambi 1970

³ Mba Mose yalweza atu ngwenyi: “Lipakatenu ha kwasa jita ni Amidiane ni kwamwesa lamba ha Chuma chize anakalinga kuli Mwene Zambi.

Kwalula 31:3 Iomraidhean Croise

1 MIANANGANA 10:30

Mba Yehova yamba kuli Jehu ngwenyi, Mumu hiwalinga kanawa ha kumanununa chize Chinapeme kumeso jami, hiwalinga kuli akwa munyachi wa Ahabe cheswe chapwile mu mbunge yami, kashika ana je a malunga kumakatwama ha ngunja ya Izalele ndo ku chisemuko chamuchiwana.

1 MIANANGANA 9:7

Kumulamba munyachi wa Ahabe mwata we hanga ngukakalile hali Jezebele manyinga ja tuvumbi twami aprofeta, ni manyinga ja tuvumbi twa Yehova eswe.

Kutuhuka 17:16

Ngwenyi, Yehova walishinga ni shingo, Yehova kumakása jita ni A-Amaleke chize ku chisemuko chimwe ndo ku chisemuko chikwo.

Jeremia 46:10

Tangwa lize, tangwa lia Mwene Yehova-wa-Tujita, tangwa lia kukala milonga; akakale milonga hali akwa kole jenyi. Katana makonwona ndo kukuta; makanwa ni kukuta ni manyinga jo. Mumu Mwene Yehova-wa-Tujita kanalingi yitapo mu chifuchi cha ku Norte, kwe ku lwiji Ufrateze.

Jeremia 50:28

Halakanenu! Kanachina akombokele ku chifuchi cha Babilonia akambulule mu Zaione kukala cha Yehova Zambi yetu, ha kukala chize alingile ku tembele yenyi.

Alevi 26:25

Mungutuma hali yenu katana wa kukala ha usendo. Munukunguluka mu yihunda yenu mba mungutuma misongo ya kulukumuka hakachi kenu akanukunjike kuli akwa kole jenu.

Kwalula 25:11

Finehase, mwana wa Eleazare, mwana wa sasendote Arone, hanakondolola utenu wami kuli A-Izalele, mumu te iye yevwa ukwa umuwika ni uze yami nevwile nawa. Chocho chamanwine A-Izalele ni ukwa wami.

Kwalula 25:13

Kumuukapwa kuli iye ni kuli ana jenyi kulutwe lienyi, we usendo wa usasendote wa mutolo; mumu te iye yevwa ukwa mumu hali Zambi yenyi, yafukila A-Izalele.

Kwalula 31:4

Ukatume ku jita kanunu wa ku munyachi, kanunu wa ku munyachi, ndusu ku minyachi yeswe ya A-Izalele.

Akwa Kuyula 5:2

Mumu akwa lutwe atetekelele mu Izalele ni e atu alihanyine ni mbunge yeswe, kashika mungufumanyisa Yehova.

Akwa Kuyula 5:23

Mwe mungelo wa Yehova ngwenyi, Shinga A-Meroze. Akwa kutwamako akaashinge ni shingo Usasu, mumu kejile kukwasa Yehova. Kejile kukwasa Yehova kulimika ni akwa ndundo.