Kwalula 30:12 - MUKANDA USANDU WA ZAMBI 1975

¹² Alioze nyi mukwo-lunga hayijilula liakulu ha lie tangwa iye wayivwile, mba yeswayo yatuhukile ku kanwa lienyi ha kutwala ku yilakenyo yenyi, chipwe ha kutwala ku chijilika cha mbunge yenyi kuyichi kakola, ka; mukwo-lunga te ha nayijilula. Yehova kumakamukonekena.

Mukanda Wa Zambi 1970

¹² Alioze nyi lunga lienyi hamukanjisa ha tangwa lizeliene hachivwa, chilakenyo kuchabwa chamokomoko. Mwene Zambi mamukonekena, mumu lunga lienyi hamukanjisa.

Kwalula 30:12 Iomraidhean Croise

Jeremia 44:17

Mutulinga yuma yize yeswe hitwalakenya ni shingo, kwochela insensu mwe mwanangana wa pwo wa malilu, ni kumuzujila milambu ya kunwa chizechene ngwe twalingile yetu ni tulamba twetu, ni mianangana jetu ni alemu Jetu mu yihunda ya Yunda ni mu matapalo ja Yerusaleme. Mumu ha miaka yize twapwile ni kulia cha kulumbama, twawahile, kutwamwene chipi.

Jeremia 44:19

Mapwo yamba nawa ngwo, Muze twochelele insensu mwe mwanangana wa pwo wa malilu ni kumuzujila milambu ya kunwa, te malunga jetu kachitayijile, muze twamulingilile mbolo ni kwesekaho Chizulie chenyi ni kumuzujila milambu ya kunwa?

Kwalula 15:25

Sasendote akatukile chikungulwila cheswe cha A-Izalele, mba makaakonekena; mumu te chapwa cha susumuku, o te haneha mulambu wo, mulambu wa kahia kuli Yehova, ni mulambu wo ha shili nawa kumeso ja Yehova, mumu ha kupiasuka cho.

Kwalula 15:28

Sasendote akatukile mukwa kupiasuka muze mavulumuna mulonga wa susumuku, akamufukile kumeso ja Yehova, mba kumakamukonekena.

Kwalula 30:11

nyi mukwo-lunga ha kuchivwa, mahola nenyi, kamukanjishileko, mba yilakenyo yenyi yeswe kumuyikakola, ni yijilika yeswe hajilila nayo mbunge yenyi kumuyikakola.

Kwalula 30:13

Yilakenyo yeswe ni mashingo eswe a kufwichisa mbunge, mukwo-lunga akayikolese, hanji mukwo-lunga akayijikile.

Kwalula 30:5

Alioze nyi tato mamukanjisa ha lie tangwa iye mamwivwa, yilakenyo yenyi niyimwe, chipwe yijilika yenyi niyimwe iye hajilila nayo mbunge yenyi muyikola yakuhi. Yehova makamukonekena mumu te tato hamukanjisa.

Kwalula 30:8

Alioze nyi mukwo-lunga mamukanjisa ha lie tangwa iye mamwivwa, mba iye akajilule chilakenyo chapwile hali iye ni kulipupula cha kanwa lienyi iye hajilila nacho mbunge yenyi. Yehova kumakamukonekena.

1 Korintu 11:3

Alioze ngunazange yenu nunyingike we mutwe wa lunga ni lunga, Kristu; ni we mutwe wa pwo, lunga; ni mutwe wa Kristu, Zambi.

1 Samuel 1:23

Elekana yamba ngwenyi, Linga cheswacho chakupemena. Twama ndo hiwamusumuna. Chino wika, Yehova akakolese liji lienyi. Chocho mwe pwo Watwamine nikwamwisa mwanenyi ndo hamusumuna.