Kwalula 3:7 - MUKANDA USANDU WA ZAMBI 1975

⁷ Akafunge ulayilo wenyi ni ulayilo wa chikungulwila cheswe kulutwe lia mbalaka ya chikungulwila, mukulinga uvumbiko wa mu tabernakulu.

Mukanda Wa Zambi 1970

⁷ Akalinga milimo ya ku zuwo lia Zambi lia makubu ni kulingila mahako ni Chikungulwila cheswe.

Kwalula 3:7 Iomraidhean Croise

1 Sango Ja Mianangana 26:20

A kuli A-Levi Ahija wapwile helu lia upite wa zuwo lia Zambi, ni upite wa yuma ya kutumbikila.

1 Sango Ja Mianangana 26:22

Ana ja Jehiele, Zetame ni mwanakwo Joele ha upite wa zuwo lia Yehova.

1 Sango Ja Mianangana 26:26

Yono Shelomote ni usoko wenyi ayulile upite weswe wa yuma ya kutumbikila, yize atumbikilile kuli mwanangana David, ni akwa lutwe mu minyachi ya atato, ni tupitau twa tununu ni twa kulakaji, ni tupitau twa tujita.

Alevi 8:35

Kwe ku chikolo cha mbalaka ya chikungulwila munukatwama matangwa shimbiali, mwalwa ni ufuku, ni kufunga chiyulo cha Yehova kuchina munufwa, mumu chocho angutumine.

Kwalula 1:50

Alioze Ukasele A-Levi akafunge tabernakulu ya Shindakenyo, akafunge yikashi yayo yeswe, akafunge yuma yeswe yilimo; o akambate ye tabernakulu ni yikashi yayo yeswe. Akayilingile. Akajikile mbalaka jo kwa kujingilika ye tabernakulu.

Kwalula 1:53

A-Levi akajikile mbalaka jo kwa kujingilika ye tabernakulu ya Shindakenyo, hanga kukuchi kapwa ufwatulo ha chikungulwila cha A-Izalele. A-Levi akalayile ye tabernakulu ya Shindakenyo.

Kwalula 3:32

Eleazare, mwana wa sasendote Arone, akapwe mwata wa miata eswe a kuli A-Levi. Iye akapwe helu lia akwa kulayila yuma ya muma musandu.

Kwalula 3:8

O akalayile yikashi yeswe ya mu mbalaka ya chikungulwila ni ulayilo wa A-Izalele, mukulinga uvumbiko wa mu tabernakulu.

Kwalula 31:30

Ku chihanda cha hakachi cha upite wa A-Izalele utambule umuwika wa ku makumi atano, ni wa kuli atu ni wa ku ngombe, ni wa ku yimbulu, ni wa ku mapanga, te wa ku yimuna eswe wahane kuli A-Levi, tulayi a tabernakulu ya Yehova.

Kwalula 8:11

Arone akahane A-Levi kumeso ja Yehova akapwe mulambu wa kuhungisa wa A-Izalele, hanga akalinge uvumbiko wa Yehova.

Kwalula 8:15

Mba kulutwe liacho A-Levi akanjile mu mbalaka ya chikungulwila mukulingilamo uvumbiko. Ukaapemese. Ukaahane kuli Yehova, akapwe mulambu wa kuhungisa.