Kwalula 3:36 - MUKANDA USANDU WA ZAMBI 1975

³⁶ Yasela A-Merari akalayile yuma yino: ni matabua a ku tabernakulu, ni njalo jo, ni manguji jo, ni yimanyino yo, hamwe ni yikashi yo yeswe, ni uvumbiko wayo weswe;

Mukanda Wa Zambi 1970

³⁶ Yaaha milimo ya kufunga ni kululieka yuma yino ya ku zuwo lia Zambi; mabaya, ni mikambo, ni manguji, ni yimanyino, hamwe ni yuma yayo yeswe.

Kwalula 3:36 Iomraidhean Croise

Kutuhuka 26:32

Ukazezeleke lie hina ha manguji awana a mutondo wa mukesha a kulamika ni oru, akumana ha yimanyino yiwana ya prata, ngo jo jikapwe ja oru.

Kutuhuka 26:37

Lie hina liacho ukalisongele manguji atano a mutondo wa mukesha. Ukalamikeho oru. Ngo jo jikapwe ja oru. Ukaazuzulwile yimanyino yitano ya unengu.

Kutuhuka 35:11

Ye tabernakulu, ni mbalaka yayo, ni chifuko chayo, ni sepe jayo, ni matabua jayo, ni njalo jayo, ni manguji jayo, ni yimanyino yayo;

Kutuhuka 35:18

ni mbambo ja ku tabernakulu, ni mbambo ja ku yize, ni mihipu yajo;

Kutuhuka 36:36

Yachisongela manguji awana a mutondo wa mukesha. Yalamikaho oru. Ngo jo te ja oru. Yaazuzulwila yimanyino yiwana ya prata.

Kutuhuka 39:33

Yahetesa ye tabernakulu kuli Mose, ye mbalaka hamwe ni yikashi yayo yeswe. Ni sepe jayo, ni matabua jayo, ni njalo jayo, ni manguji jayo, ni yimanyino yayo;

Kwalula 3:35

Zuriele mwana Abiale akapwe mwata wa jiko lia atato, akwa minyachi ya Merari. O akajikile mbalaka jo ku sali lia ku Norte lia tabernakulu.

Kwalula 3:37

ni manguji a ku yize ya kujingilika, ni yimanyino yo, ni mbambo jo, ni mihipu yo.

Kwalula 7:8

Yahana matemba awana ni ngombe nake kuli A-Merari, nikulita ni uvumbiko wo, wa kuyula kuli Itama, mwana wa sasendote Arone.